小野人

Item: 小野人
Rating: 5
Author: SophiaLeung4768

KOKA

4.5

542 食记

味道

环境

服务

卫生

抵食

18304

将军澳

$101-200

川菜 (四川) 烧烤串烧

复制到剪贴板

467

SophiaLeung4768

等级4

217

一直都想过嚟将军澳海边附近商场嘅食肆Chill下😚今日收工就约左朋友嚟呢边食野，天气凉凉地，就想食下串烧🍢见到附近有间店舖门面好干净舒适，内里灯光又好柔和温馨，就决定一试KOKA串烧店🤤
。
🌟串烧系列
叫左烤鸡脆骨、金针菇牛五花卷、烤鸡肾、烤牛舌、烤鸡肉各一🤣款款都$28，好抵食！当中最爱烤鸡脆骨🥹口感就同鸡软骨差唔多，但相对而言就更脆口，好好咬；另外，鸡肾亦好好食！相对其他串烧店，呢款鸡肾会切得比较细粒，更易入口，更好咬😋，唔会比人好韧好难咬嘅感觉！仲有牛舌，香料腌得好入味，薄薄一块，真系食完想再食🤤！而金针菇牛五花卷嘅牛五花好薄好嫩，连金针菇食就相对食时更好咬，肉质唔会好硬好韧，赞！🥹烤鸡肉嘅腌料都好出色好入味，但就相对辣少少🫣！钟意食辣嘅朋友就啱晒啦！
。
🌟蒜蓉烤茄子 $48
呢款蒜蓉汁蒜蓉好足料，配上秘制酱汁，令茄子好入味🥹！啖啖都系满满嘅蒜蓉🤩！正！
。
🌟烤娃娃菜 $18 🌟烤韭菜 $18
叫多咗两款烤菜食😋两款菜嘅味道都好香腌料好足😋韭菜烤得岩岩好，唔会咬到牙软都未食得晒🤣
。
🌟芝士烤生蚝$38 🌟蒜蓉烤生蚝 $38
两款生蚝都试左😋两款生蚝都大大只，多肉饱满，有惊喜！个人钟意芝士烤多啲🥹芝士够多，但配埋生蚝食又唔会太腻👍🏻
。
🌟烤新鲜臭豆腐 $26
身为豆腐爱好者，当然唔会错过呢到嘅臭豆腐🥹臭豆腐配上香料，未食已经好大阵香味，再慢慢烤，烤到豆腐干身再食，都好香口好食😋
。
🌟奶油烤小馒头 $26
呢款馒头好惊喜🥹虽然叫小馒头，但一啲都唔细旧🤣都算大旧，配埋炼奶+芝麻，口感更满足🤩！
。
🌟Q弹大鱿鱼 $45
鱿鱼嚟讲呢款唔算多汁，但系可能餐厅有事前用腌料腌定，所以鱿鱼食落啖啖都好入味🤩而且鱿鱼口感真系好Q弹！🤣
。
🌟黑松露芝士捞丁 $58
见到串烧店竟然有芝士捞丁食，即是决定试试🥹点知完全无令我失望，黑松露同芝士都够晒多🤩！捞埋一齐唔止有拉丝，仲啖啖都食到黑松露加芝士😜！虽然好邪恶，但真系好好食🥹！
。
🌟草莓乳酪奶昔$42 🌟杂莓乳酪奶昔 $42
两款奶昔都好好饮🥹我叫左小甜，饮落真系无平时嘅奶昔甜味咁重，真系岩晒唔系好钟意饮甜水嘅我🤣正！
。
总括而言，呢间串烧店食物款式多，仲要近海边，食完又可以去附近行下海边散步消消济！另外仲要一赞餐厅员工嘅服务态度🥹真系好有礼貌，收碟上菜都好快手！😚👍🏻绝对值得再回头！