Helen’s

营业中

休息中

因为平时见朋友嘅酒吧都喺中环区，成日过海好麻烦，所以想同朋友试吓尖沙咀区嘅酒吧。上到去音乐声唔大，环境算几宁静，同埋里便嘅摆设都几得意，酒吧个vibe都几chilled 同埋舒适，唔似一啲酒吧环境比较狭窄。嚟到呢度梗系睇一睇个cocktail Menu先啦，讲真冇谂过可以$68叫到一杯cocktail，真系抵到烂。因为夏天所以朋友同我都叫咗一杯微酸同比较refreshing嘅 cocktail朋友嘅Sancino卖相OK，比较钟意佢用个铜嘅杯装住，朋友话饮落都好refreshing。我自己个杯Helen’s tea好饮，甜中带酸，好意入口。饮到少少gin嘅味但系唔会掩盖左其他水果嘅味道。都几钟意佢哋有佛手柑放喺杯上边，卖相唔错。因为啱啱收工都未食晚饭，见餐牌上面佢哋嘅价钱都几抵，所以就想试吓d 送酒菜。都几惊喜因为我哋叫嘅鸡软骨、香烤辣鸡翼、同埋忌廉汁意粉都好好食。全部好明显都系即叫即煮，同埋调味适中。几钟意呢间酒吧，我谂下次如果有班朋友想倾吓计或者庆祝嘅话都会嚟呢度试吓。