Chin Chin Thai Cuisine (康怡廣場) (已結業)

适逢母亲节，小弟我就book左间泰国野去庆祝下。好彩我有预先book到位，因为今日餐厅大排长龙。餐厅既装修几有格调，个人就几钟意个红砖墙，特别有风味。食物方面，叫左黄咖喱牛舌同埋青咖喱羊架。两个咖喱都做得十分出色，充斥住泰国香料既香气，而且唔会稀，每一啖都系满满既咖喱香。青咖喱羊架够哂膻，煎得外脆内嫩，加上青咖喱汁，钟意嘅食羊既朋友绝对值得一试。黄咖喱牛舌除咗牛舌仲有好多牛筋，同样好味。炭烧鸡串同埋沙嗲猪颈肉串都系用炭炉去烧，微微烧焦，带出炭火既香气，附送既沙嗲酱亦都有好香花生味。香芒素菜米纸卷味道较清，芒果味相对唔够突出。香茅炭烧猪扒烧得好香，而且入面既肉汁仲保存到，份量更加几大份。冬阴公用料都足，有青口同虾等海鲜，唔算好辣。佢有用炉不断为汤加热保温，呢点做得几贴心。砂煲杂菜粉丝原本系用砂煲黎装的，但系餐厅因为唔够砂煲而转用左碟去盛载。粉丝够香且有弹性，都唔错。值得一提既系餐厅员工好似唔够应付繁忙时段既需求，员工每位都好忙，有时都要等一阵先等到人黎帮忙。