影片
更多
2021-05-25
639 浏览
我喱个中国胃始终都系钟意食中菜，不过中菜由细食到大少不免冇乜新鲜感！好彩有老婆大人成日煮好多正嘢比我食，我梗系要发掘啲好煮意过佢参考吓啦，好似今次就见到会展嘅中庭有个新经典套餐，啲菜式几特别咁就即刻同佢去吃个丰富嘅晏仔先。足足有8道菜都只系508蚊一位(两位起)晏昼同夜晚都有得食，夜晚仲有8折优惠太过抵食喇！话咁快第一味菜上枱系一碟三味嘅盐焗鲜鲍鱼、走地醉鸡同埋凉拌蜜荳虫草花。喱个走地醉鸡好食㖞！鸡肉好鬼滑醉汁香得嚟唔会俗，加埋啲脆口嘅日本渍箩卜一齐食好过瘾。跟住到叹喱只盐焗鲜鲍鱼好鬼烟韧阵阵咸香越𡁻越好味，仲有隔篱𠮶个脆卜卜嘅凉拌蜜荳虫草花啱晒我咀型。然后到饮靓汤嘅时候，咦点解冇汤嘅原来喱个螺片白玉红菜汤系上枱之后先加汤，咁就保证饮到热辣辣嘅正汤啦！倒入红卜卜鲜甜冇腥味嘅红菜汤入放有红菜头白萝卜同螺片嘅碗里面，白雪即刻被染红又得睇又好味道系有心思嘅！饮完靓汤做乜鬼上份西菜？唏原来系西样中味嘅荷香富贵鸽，用酥皮包住新鲜嘅荷叶嚟煮乳鸽又几有谂头㖞！一人份都分到半只荷香富贵鸽，焗得几入味仲有鲍汁煮过嘅云南头菜同冬菇，食落鸽肉入味香甜确系正嘅。跟住神神秘秘推嚟两个竹篾又系什么葫芦卖什么药！原
足足有8道菜都只系508蚊一位(两位起)晏昼同夜晚都有得食，夜晚仲有8折优惠太过抵食喇！话咁快第一味菜上枱系一碟三味嘅盐焗鲜鲍鱼、走地醉鸡同埋凉拌蜜荳虫草花。
喱个走地醉鸡好食㖞！鸡肉好鬼滑醉汁香得嚟唔会俗，加埋啲脆口嘅日本渍箩卜一齐食好过瘾。
跟住到叹喱只盐焗鲜鲍鱼好鬼烟韧阵阵咸香越𡁻越好味，仲有隔篱𠮶个脆卜卜嘅凉拌蜜荳虫草花啱晒我咀型。
然后到饮靓汤嘅时候，咦点解冇汤嘅原来喱个螺片白玉红菜汤系上枱之后先加汤，咁就保证饮到热辣辣嘅正汤啦！
倒入红卜卜鲜甜冇腥味嘅红菜汤入放有红菜头白萝卜同螺片嘅碗里面，白雪即刻被染红又得睇又好味道系有心思嘅！
饮完靓汤做乜鬼上份西菜？唏原来系西样中味嘅荷香富贵鸽，用酥皮包住新鲜嘅荷叶嚟煮乳鸽又几有谂头㖞！
一人份都分到半只荷香富贵鸽，焗得几入味仲有鲍汁煮过嘅云南头菜同冬菇，食落鸽肉入味香甜确系正嘅。
跟住神神秘秘推嚟两个竹篾又系什么葫芦卖什么药！原来喱个系香葱烤油甘鱼鲛中日混血Feel好重啫。
揭开竹篾拨走葱段露出了香喷喷嘅油甘鱼鲛，仲有老婆大人最钟意嘅酸姜一见到开心到佢呢。
油甘鱼鲛啖啖肉加上鱼油够多系肥美嘅，怕鱼味太劲咪好似我咁加啲青柠汁食搅掂，咪话我唔提醒大家啲葱都系好嘢嚟唔食就嘥晒。
食到喱个moment系时候清吓条脷！喱个羊肚菌竹笙卷素千层点睇呢！
我就睇好喱个羊肚菌竹笙卷素千层喇！因为连食肉兽嘅我都好like呀！用上汤煮过嘅素材全部都好鬼入味劲香甜，𠮶件羊肚菌好爽好香仲有件好索嘅素千层都系劲吸引，但最正一定系竹笙食落嗦嗦声嘅竹笙入面仲酿咗好多什菌，加埋又香又甜嘅上汤好味到冇朋友。
以为邪恶将结束咪天真啦！紧接有宇宙最邪恶的慢煮豚肉腩，咪睇佢四四方方细细粒呀真系好有爆炸力架。
睇吓佢层次几咁分明师傅用咗唔少时间慢煮先可以做到喱个效果，食落去真系入口即溶又松化味道当然good啦浓得嚟唔太漏真系想捞个白饭食呀。
唔叫白饭系因为我仲有一加大半碗嘅手切牛崧黑松露炒饭，点解多咗大半碗咪要多谢老婆大人赏赐我啰！好彩我喱个黒洞难船仲有三斤钉唔系流架，最紧要系好味清晒一加大半碗冇难度啦！
甜品有喱个好靓仔嘅合桃布甸拼黑糖桂圆红枣饼，撞鬼吖中式甜品可以整到咁靓啱晒老婆大人个相机。
中庭 The Atrium Chinese Restaurant
地址：湾仔港湾道1号香港会议展览中心1楼
电话号码：25827332
张贴
