桂月 (已結業)

朋友介绍话呢间酒吧d 野食同cocktail 几高质，平时好少去呢啲地方今晚就黎试下先。地方虽然有啲格摄,但环境绝对系舒服同够静。其实本身都好少饮Cocktail,都唔知点拣好,好在店员好nice细心介绍，拣咗杯signature 嘅试吓✨Yuzu gimlet : 味道好fresh 好清新，柚子既香味好突出，真系好易入口，面头嘅泡泡配埋棉花糖又几得意。原来d 酒咁好饮，好快又再叫多杯✨纽西兰有骨肉眼配薯菜：呢块扒都几大块, 肉质好腍好嫩滑。薯菜有车厘茄，翠玉瓜，茄子，同埋烤薯仔。全部都系简单调味，食返食材嘅原汁原味。✨April: 感觉有少少似Milk shake, 饮落去有士多啤梨玫瑰香味,酸酸地好开胃，女生会钟意呢杯。✨脆炸鳕鱼西西里蕃茄意大利饭： 上枱已经闻到好香嘅炸鱼味, 个饭索晒酱汁嘅味道，好香蕃茄同芝士味，除咗洋葱粒之外，每一啖都食到有鱼肉，真系超好食，个炸鱼都好香口。整体食物质素非常好，间中饮下酒都几开心,钟唔钟意饮酒嘅朋友记得嚟试吓。