Woodsage

营业中

休息中

星期日差唔多两点几先嚟到元朗，今次去远离少少元朗市中心嘅地点，而且呢到隔离有个多层停车场，所以好方便我哋。地点唔难揾，基本上系惠康后面条街。我初初好惊星期日会Full House但人唔算多，地方尚算阔落，坐得舒适。两个人点了两份Lunch Set，一个娘惹咖喱软壳蟹饭，一个西班牙海鲜意大利面，Lunch Set转泰式奶茶每杯+12，然后再点了一个Cajun fries，点咗个店员Cajun sauce 即系咩sauce，佢答我哋辣辣哋，好啦试吓见个Menu写推荐。咖喱软壳蟹饭个咖喱几好食，而个意粉味道可以，个人略嫌个意粉无Al Dente口感，Overcook咁。Cajun sauce配薯条系好yummy，值得推荐。泰式奶茶以樽装出现，几特别👍🏻 唔会太甜，啱我口味！虽然呢到系Cafe嘅格局，而且都可以饮咖啡，但佢配以泰菜fusion 出现确实惊喜👏🏻 小店算不错，值得支持！