影片
更多
2014-05-03
64 浏览
芒果种类上百种，你又认识几多？印度阿方索芒、菲律宾吕宋芒、猪腰芒、泰国水仙芒、象牙芒、枇杷芒、印尼鹰嘴芒……等等 ，台湾嘅「爱文芒」你又听过未？今日好开心嚟到晌台湾发迹，分店遍及吉隆坡、首尔、东京、深圳等地嘅MangoChaCha芒果主题甜品店，一口气试咗多款以爱文芒入馔嘅冷热甜品 。店名：MangoChaCha，其实喺由农家出身嘅店主Mango同太太ChaCha合力创办嘅，凭著高质素嘅爱文芒及其他优质食材，加埋不断嘅创意同心思，由台北路边摊做到依家台湾本土及海外都有多家分店，证明成功非侥幸 。据介绍，依种外皮橙红嘅爱文芒本身唔喺台湾品种，乃上世纪中由从北美引入嘅一种红芒「苹果芒」，再加以培植成为今日嘅爱文芒。MangoChaCha唔同一般甜品店就咁买入水果，全店所用嘅爱文芒都喺店主自己农场嘅出品，质素有保证 ，而且，每年5、6月为当造莆，为保质素，将熟成芒果起肉，然而再以快速冷冻技术冷藏，咁就可以一年四季都有稳定货源供应 。至于爱文芒，其特性喺肉质细腻、纤维特幼，果肉无渣，味道清甜，甜度达到12，算得上味道清甜。下次再有机会到台南玉井、高雄枋山、屏东狮子依几个爱文芒种植基地
店名：MangoChaCha，其实喺由农家出身嘅店主Mango同太太ChaCha合力创办嘅，凭著高质素嘅爱文芒及其他优质食材，加埋不断嘅创意同心思，由台北路边摊做到依家台湾本土及海外都有多家分店，证明成功非侥幸 。
据介绍，依种外皮橙红嘅爱文芒本身唔喺台湾品种，乃上世纪中由从北美引入嘅一种红芒「苹果芒」，再加以培植成为今日嘅爱文芒。MangoChaCha唔同一般甜品店就咁买入水果，全店所用嘅爱文芒都喺店主自己农场嘅出品，质素有保证 ，而且，每年5、6月为当造莆，为保质素，将熟成芒果起肉，然而再以快速冷冻技术冷藏，咁就可以一年四季都有稳定货源供应 。至于爱文芒，其特性喺肉质细腻、纤维特幼，果肉无渣，味道清甜，甜度达到12，算得上味道清甜。下次再有机会到台南玉井、高雄枋山、屏东狮子依几个爱文芒种植基地，点都要买少少作为手信，送俾啲识食嘅老死先。
一室橙沟白，充满阳光活力，而座位设计，有吧位、马蹄形厢座、梳化椅、活动式枱櫈，可用简洁型格嚟形容。
食品选择又如何？招牌芒果冰品，包括芒果雪花冰、黑糖剉冰及雪花冰拼剉冰，以依几个基础，配搭出唔同份量嘅组合，人多人少也适合。
金牌情人 $58 喺以招牌芒果雪花冰加芒果肉及法式手工芒果雪糕组成，如果无雪糕，就喺最基本嘅「金牌」（$48），如份量加倍就成为「金牌情人豪华版」（$108），足3-4人享用呀！
据店员介绍，佢哋嘅芒果雪花冰喺以芒果肉、冰及牛奶做成，所以食时无需要再加糖浆，确实啲雪花冰渗出清幽芒果香，而且入口好绵柔 。而冰上球法式手工芒果雪糕超好食，制作时入加鲜忌廉，口感更柔滑丰厚，富奶香 ，令小弟又再想起Spade by Lassana啲法式雪糕；反而，芒果肉无想像咁甜，不过，店主推介食法，就喺糁少少岩盐，唔单止可以中和果酸，仲有效提高个甜度，芒果入口，先有少少咸，再吊起个甜味，再者，果肉的确纤幼无渣；为求质量一致，所有芒果牛奶雪花冰砖、芒果雪糕、芒果肉统统都晌台湾总店运嚟，另外，餐碟都雪过先用，摸上手一阵阵冰凉，细心位尽见 。
招牌情人 $58 另一款主打冰品，淋上黑糖浆嘅剉冰，加芒果肉及法式手工芒果雪糕所组成，无雪糕版本就喺「招牌」（$48），加倍份量就变成「招牌情人豪华版」（$108）。剉冰刨得幼细，又滑如丝，入口即融，配合埋醇香嘅黑糖浆，天然不造作嘅味道，喺夏日透心凉嘅佳品，况且，黑糖甜品一向都啱晒我 。
金牌情人令我联想到一个有内涵嘅情人，就如雪花冰，不用再添加都可以散发一股清幽香气；而招牌情人，就好似喜欢装扮，靠少少修饰嘅情人，无咗黑糖嘅衬托，剉冰就可能变得平淡无奇。既然在香港落户，又点少得加添一啲香港限定款式，包括跟多士、卷蛋、窝夫、糯米糍、酥皮及梳乎厘嘅组合。而且，名字也改得浪漫诗意，恋爱层层叠、情爱绵绵、甜蜜夹心……，女生们应该最受落喔 。
情爱绵绵 $38/2件 其实即喺芒果忌廉卷蛋，外层嘅海绵蛋糕好松软，回弹力强，不过，蛋香味唔算好浓；忌廉打得软滑轻柔，入口如风，加上爱文芒嘅清甜，两口子拣此甜品共尝，绵绵情意，不言而喻。一份感情，包含好多嘢，要细味欣赏，先可细水长流！
甜蜜夹心（配黑糖酱） $68 「夹心」，因为以窝夫夹住芒果雪糕及鲜忌廉，再配上一小杯黑糖浆。外层微脆，内层软熟，为配合「夹心」，窝夫要摊凉一点，所以，口感始终唔及新鲜热辣既出时候嘅效果。虽无一种好冰火嘅感觉，然而，配合雪糕及忌廉，大啖大啖咬，又喺另一种滋味，犹如食紧雪糕蛋糕咁。想更甜蜜，醇香嘅黑糖浆，又岂可错过。尽管有时候感情摊冻咗啲，但一啲小小嘅元素，又可引发更多甜蜜！
冷热激情 $58酥皮配芒果，西式嘅拿破仑早有先例，不过就一向喺冻食。依道「冷热激情」，以自家制新鲜焗好嘅酥皮卷，再塞入冰凉芒果肉，一客两条，希望让客人感受冰火嘅感觉，再伴上一球法式手工芒果雪糕。酥皮卷焗得好平均，第一口咬落好松脆，但做得有少少厚，加上喺卷状，所以，口感再出嚟会有啲烟韧 ，跟拿破仑喺两样嘢嚟。虽然做到冰火感，但如果酥皮卷再改良一下，效果一家更理想。激情喺需要配合，配合不好，会激情难再呀！
Love is Air $58 好虚嘅一个名字，但感觉又好浪漫咁。芒果梳乎厘以打起嘅蛋白，加上芒果汁做成，用料简单，但做法非常考功夫嘅一道法式甜品。梳乎厘做得挺身而轻柔，入口像阵空气，但又散发幽幽芒果清香，轻易就食晒成个 。最有心思喺杯底撒上少少沙糖粒，食到尾下底有少少焦脆位。空气喺乜？睇唔到、捉唔住，但无咗佢你又唔得，情唔单讲爱情，仲有亲情、友情……，切勿忽略已有之情，不要孤单而活喔！
其他甜品款式，仲有芒果切盘、法式手工芒果雪糕、芒果阿拉莫（即喺芒果粒加雪糕双拼）、冬季限定嘅芒果汤圆。
饮品方面亦一样有照顾到，例如：芒果汁、芒果沙冰、芒果醋、芒果奶昔、芒果咖啡及芒果茶。
芒果汁 $38 简单地以爱文芒果肉加水打成，无糖添加，虽然唔及阿方索、吕宋芒咁甜，但味道幽香滑溜，全因爱文芒本身果肉无根 。如果想免费试番杯无问题，上官方FB赞好，就可以免费享用一杯鲜打芒果汁，不过，免费装就会细杯啲 。
经历咗一个满腹喜悦嘅下午，品尝咗多款甜品，亦对情怀很多联想。人人对爱对情都有唔同睇法，满满都喺憧憬，你又会喺点？选择伴侣，究竟情人要「金牌」定「招牌」好？彼此相处，要「情爱绵绵」，抑或「冷热激情」，还是「Love is Air」？祝愿有情人，恩爱无边！
张贴
