Comma Cafe

营业中

休息中

香港有女仆既cafe应该已经少之有少，今次黎到呢间感觉都唔错，打破左我原有对女仆cafe既印象。餐枱上有个小铃铛，点餐或有其他需要都可以用佢呼唤女仆。不论男或女既客人，女仆们既服务态度同用语都系恰到好处，唔会令人尴尬。呢度既餐单都有好多选择，唔系只有我印象中既番茄酱蛋包饭😂难得黎到，我都有问女仆有咩好推介，最后点左吐司盒同埋云呢拿苹果粒花茶。上菜时都有点惊讶，吐司盒好有份量同厚度，上面有好多配料，orea饼，百力支，cereals, cream，朱古力酱，仲有雪糕。吐司既外皮烤得脆口，而入面既面包就软熟。如果球雪糕可以大d就好啦～未食到最后就已经好快俾我点晒d雪糕。花茶既茶壶茶杯set好靓，好高贵既感觉，会有蜡烛系底keep住个茶既热度。个碟既波浪纹仲可以kick实只羹，只羹仲系少女樱花样。就咁饮既话有点酸，都有少少清香果味，但加埋蜜糖就变得顺口，成件事暖身又暖心。另一享受方法就系俾女仆keep住壶茶，需要既时候就请佢倒茶。社交平台 会有女仆既更表同埋样~全部都系cute cute 类型~有时去体验下都几得意，门口更有块梦幻花花打卡墙。