影片
更多
2018-09-29
148 浏览
是日出 job, 约附近朋友食晚餐，佢介绍左呢间。装修几cozy , 柔和灯光，欧式布置，暖暖的格局，甫一坐低已经觉得好 relax , 我的 happy friday 呀！环境舒适，食物又如何？等我一一回味吓 ：烟三文鱼蜂蜜醋沙律$68上层是满满的烟三文鱼，下层系新鲜沙律菜，再配上粒粒干提，细腻甜美。欣赏佢的沙律汁，系蜂蜜醋，酸酸甜甜，加上阵阵蜂蜜味道，好香，精神为之一振。呢个价钱，抵食。白酒忌廉烩青口$78白酒忌廉汁系落足料炮制，好浓好香，调味适中亦食得出有好香白酒味。青口一客六只，部份青口肉略嫌细只左少少，话咁快食完，浪费左D咁正的忌廉汁。巴黎牛柳粒扁意粉 $76牛柳粒好得，有咬口有牛味又唔韧，牛柳粒最忌 overcook, 佢火候控制得几好，完全好易咬。扁意粉的质感亦唔错，唔会太淋啱啱好。唯独偏干，冇乜汁，早知留返个青口白汁来捞意粉啦⋯⋯香煎比目鱼扒配香草忌廉汁$128极具惊喜的一道菜，一上枱便香气四溢，连隔离枱食饱饱的也很感兴趣。比目鱼皮煎得金黄，薄薄一层却非常香脆。下面是雪白的鱼肉，充满油香，嫰滑可口，果然系皮脆肉嫩呀！鱼皮上舖了蕃茄沙沙，好开胃，但其实比目鱼唔使额外调味都
是日出 job, 约附近朋友食晚餐，佢介绍左呢间。装修几cozy , 柔和灯光，欧式布置，暖暖的格局，甫一坐低已经觉得好 relax , 我的 happy friday 呀！
环境舒适，食物又如何？
等我一一回味吓 ：
烟三文鱼蜂蜜醋沙律$68
上层是满满的烟三文鱼，下层系新鲜沙律菜，再配上粒粒干提，细腻甜美。
烟三文鱼蜂蜜醋沙律
11 浏览
0 赞好
0 留言
欣赏佢的沙律汁，系蜂蜜醋，酸酸甜甜，加上阵阵蜂蜜味道，好香，精神为之一振。呢个价钱，抵食。
白酒忌廉烩青口$78
白酒忌廉汁系落足料炮制，好浓好香，调味适中亦食得出有好香白酒味。
青口一客六只，部份青口肉略嫌细只左少少，话咁快食完，浪费左D咁正的忌廉汁。
巴黎牛柳粒扁意粉 $76
牛柳粒好得，有咬口有牛味又唔韧，牛柳粒最忌 overcook, 佢火候控制得几好，完全好易咬。扁意粉的质感亦唔错，唔会太淋啱啱好。唯独偏干，冇乜汁，早知留返个青口白汁来捞意粉啦⋯⋯
香煎比目鱼扒配香草忌廉汁$128
香煎比目鱼扒配香草忌廉汁
21 浏览
0 赞好
0 留言
极具惊喜的一道菜，一上枱便香气四溢，连隔离枱食饱饱的也很感兴趣。比目鱼皮煎得金黄，薄薄一层却非常香脆。下面是雪白的鱼肉，充满油香，嫰滑可口，果然系皮脆肉嫩呀！
鱼皮上舖了蕃茄沙沙，好开胃，但其实比目鱼唔使额外调味都已经好够味。朋友边食边赞，系佢 favour 。
香煎比目鱼扒配香草忌廉汁
14 浏览
0 赞好
0 留言
升级餐汤、即磨咖啡+$22
忌廉汤，质地比较稀，一般啫。
咖啡是即磨的，暖暖地唔算好热，但几大杯。
张贴
