影片
更多
2021-11-02
1287 浏览
黄埔第二弹，原来黄埔真系好多餐厅同小店🎈今日过咗嚟呢食返呢间Boring?!食dinner，之前葵芳已经见过呢间西餐，但多人排队就无试。Dinner set 有$178、$238、$298我地就叫左一个$178 & $238 Dinner set要左一个跟餐既是日餐汤 & +$38 酥皮龙虾汤，就咁跟餐个汤已经好好饮，好香蘑菇。如果龙虾汤都好浓，但就唔系creamy个款龙虾汤。跟餐嘅温泉蛋带子黑松露沙律，以一个人既餐来讲份量算好够。个温泉蛋仲要好靓，而带子都有香煎过，呢个跟餐既沙律好满意。而另一个就+$28巴黎牛油焗田螺呢个都好值得，下面系好creamy既薯蓉，然后用大香菇托住个田螺👍🏽佢地既smoothie系列都吸引，我叫左boring peach，入面入左yogurt，甜甜既peach又唔会太死甜，系好饮👍🏽好好饮朋友就嗌左杯Cocktail，叫Gemini，不过佢就觉得一般般我地$238 Set 叫左德国脆皮咸猪手，好大份，叫猪手真系要有个男人帮手食先得。佢啲肉同啲皮仲特登分开，好方便食，D猪皮脆卜卜，而且只猪手好多肉而佢嘅酱汁同酸菜都好味，旁边仲有两款薯仔最后$178 set
今日过咗嚟呢食返呢间Boring?!食dinner，之前葵芳已经见过呢间西餐，但多人排队就无试。
Dinner set 有$178、$238、$298
我地就叫左一个$178 & $238 Dinner set
要左一个跟餐既是日餐汤 & +$38 酥皮龙虾汤，就咁跟餐个汤已经好好饮，好香蘑菇。如果龙虾汤都好浓，但就唔系creamy个款龙虾汤。
跟餐嘅温泉蛋带子黑松露沙律，以一个人既餐来讲份量算好够。
个温泉蛋仲要好靓，而带子都有香煎过，呢个跟餐既沙律好满意。
而另一个就+$28巴黎牛油焗田螺
呢个都好值得，下面系好creamy既薯蓉，然后用大香菇托住个田螺👍🏽
佢地既smoothie系列都吸引，我叫左boring peach，入面入左yogurt，甜甜既peach又唔会太死甜，系好饮👍🏽好好饮
朋友就嗌左杯Cocktail，叫Gemini，不过佢就觉得一般般
我地$238 Set 叫左德国脆皮咸猪手，好大份，叫猪手真系要有个男人帮手食先得。
佢啲肉同啲皮仲特登分开，好方便食，D猪皮脆卜卜，而且只猪手好多肉
而佢嘅酱汁同酸菜都好味，旁边仲有两款薯仔
最后$178 set 的 日式蟹高蟹肉意大利饭，佢个意大利饭好creamy，加埋蟹膏，味道更加香浓。睇个份量好似好细但食食吓其实原来好扎实。
另外，呢间餐厅既餐具摆位唔马虎，餐具有上下咁放。中段嘅时候我哋既等左阵都觉得点解咁耐未上主菜，过咗冇几耐就有个职员问我哋系咪可以上得，𠮶一刻我哋先知道原来佢地都等紧我地😂
张贴
