牛涮鍋

营业中

休息中

今日同老公、朋友同佢老公四人行double date，夜晚去咗马鞍山牛涮锅打边炉。今次可以话系一次好失望嘅日式火锅，除咗配料质素欠佳同唔太新鲜之余（牛肉还可以），食物选择亦少之又少，环境仲要有少少「揦鲊」，每个人埋单仲要差唔多四旧水，真系俾钱买难受。我哋叫咗寿喜烧同麻辣猪骨汤底，两款都淡到好似加咗水嘅清汤咁，寿喜烧一啲甜味都无，麻辣猪骨一啲麻辣味都无，真系吓亲人🥶。另外因为食物选择少同好多都无refill，我哋只好不断叫牛肉食。牛肉质素系可以的，肉质有弹性同牛肉味都几香。饮品亦系另一个令人失望嘅原因，啲果汁仲饮到有粉粒的，味道假到不得了。如果可行提供纸包饮品会好啲，我同朋友都无乜点饮过嘢。