泰贊- 創意泰餐廳 (已結業)

已经好耐无食泰国菜，今日咁啱经过大埔超级城，见到难得见到佢地系Fusion餐厅，仲要有「少盐少糖」就打算入去试下。入座既时候，见到个环境好舒服，都几chill下。咁我就叫左个少盐版既烧脆皮猪手伴香叶辣椒炒饭再加一杯冻Latte少糖。烧脆皮猪手伴香叶辣椒炒饭既炒饭辣辣地又唔会好咸，唔会好似出面其他泰式餐厅咁重口味，个人觉得岩岩好又惹味，令人会不自觉系咁食。而佢既猪手首先份量唔少，都有5到6块，而且猪皮脆卜卜。其次就系厚度岩岩好，唔会太薄、无口感，又唔会太厚咬唔到。再者，猪手既脂肪唔会好多，猪肉肉质亦唔会觉得柴或者干。饮品方面，佢既卖相几好睇、Igable，而且糖浆系另上，所以我就可以因应自己口味落。就Latte而言都唔错！