城寨煲皇

营业中

休息中

《城寨煲皇》位于尖沙咀，主打怀旧风格设计特色，非常有香港地道风味，食物选择多元化，价钱都相当合理。〰️盐烧鲍鱼加海胆〰️估唔到呢到竟然有个咁正嘅配搭，有齐我最钟意食嘅鲍鱼同埋海胆，加埋一齐食味道原来正咁多！本身鲍鱼已经好厚肉，加啲海胆落去更加滋味无穷。〰️秋制生生肉刺身〰️见人哋好多枱都有食呢个生肉刺身，非常好奇嘅我又想试吓，估唔到生肉系咁嫩，食落嘅口感的确系有惊喜。〰️〰️鸳鸯锅 沙嗲/秘制麻辣〰️〰️选择困难症嘅我一定会叫返个鸳鸯锅。两个汤底都好浓味，唔系好食得辣嘅可以叫香料味好浓郁嘅沙嗲汤底，少少辣容易接受。钟意食辣嘅一定要叫秘制麻辣，一定可以满足到你食辣嘅欲望。〰️〰️猪仔午餐肉(炸）〰️〰️呢个真系够晒肥仔，午餐肉仲要系炸，炸完之后都唔会太油淋淋。〰️〰️非凡牛胸爽〰️〰️非凡嘅牛胸爽含非一般咁爽口，入口牛味突出，好食呀👏🏻