廚十三老壇酸菜魚 (譽發廣場) (已結業)

上星期同阿妹两个人撑枱脚，翻风冻冻地，就想去食下个酸菜鱼暖下个胃，今次就去咗呢间油麻地嘅厨十三老坛酸菜鱼。老坛酸菜鱼有超多大大块嘅鱼肉片，加上汤底味道辣味同酸味都好够，饮啖汤更加正添😆我钟意佢哋个汤底唔会太油，所以就算饮埋汤都无问题。食返个上上签希望成年行好运😇，入面有鹌鹑蛋，莲藕片，椰菜花，黑木耳，凤爪。莲藕片食落好爽脆，鹌鹑蛋一啖一粒，椰菜花够晒健康，样样都咁好食。雨露均沾个名就咁听系咪唔知咩嚟呢？其实就系又甜又烟韧嘅糍粑，上面仲加咗啲黄豆粉😳再叫埋啤酒一边食一边叹，真系好满足嘅晚餐✨