京滬佳餚 (亞太中心) (已結業)

惊喜下午茶 $129/2位 （包埋茶介同加一）中菜同点心我真系无法抗拒✨，见到呢间咁平又靓装修就入去试试佢，系估唔到地有惊喜💥🔸招牌小笼包（2件）好鬼好食，劲多肉汁，皮都算薄，啜完佢啖肉汁之后再一啖摆落口，个馅都仲锁到部分肉汁好鲜嫩🥹（小插曲：我话呢个小笼包好惊喜好好食，系咁催个frd叫佢趁热食，跟住佢劲粗暴咁夹起掉落个碗度，我成个阿妈咁系咁diu佢暴敛天物，仲一步一脚印咁教佢点食小笼包，佢呆L左话原来食小笼包都咁有学问😂😂😂）🔸蚝皇叉烧包 （2个）size岩岩好，好松软唔会硬唔会干，feel到系即蒸即上，包皮都甜甜地会回甘咁，啲馅都系甜甜地😂，系好食嘅叉烧包🥹🔸红油抄手 （2件）几大粒，啲馅好饱满，但个酱汁唔够辣🥲🔸珍珠糯米烧卖（2粒）糯米真系好糯，呢个口感几特别，唔系糯米饭果种硬身粒粒分明咁，佢好糯好软熟，但又未去到痴牙嘅地步，几烟靭，可以想象为咸嘅麻糬🔸凉菜：四喜烤麸正常发挥，唔知正宗嘅系咩味道，但我中意再甜啲嘅（应该系面筋黎？有啲似好弹牙好有咬口嘅腐卜）🔸小菜：回锅肉切得够薄身易入味，同埋唔会痴牙，食多几旧都唔会觉得好肥腻🔸主食：葱香拌面个面底都几滑少少弹牙，不过葱香味唔够突出