部屋咖啡室

今日约咗friend去呢间cafe食lunch，环境好温馨好chill！我哋就嗌咗二人餐，$388已经有一份炸蟹饼、10吋pizza、意粉同埋两杯嘢饮，非常之丰富😋。首先主菜有烤鸡蘑菇阔条面，里面有忌廉、烤鸡肉、蘑菇、洋葱同青椒，面条嘅弹性啱啱好，搭配嫩滑嘅烤鸡同蘑菇，口感层次分明🤤调味都恰到好处，唔会过于油腻！跟住系千岛夏威夷Pizza，有烟火腿同菠萝作为配料，再加上千岛酱嘅配合味道一流，卖相都十分唔错👍🏻两个人食真系非常之饱肚。小食炸蟹饼热辣辣而且炸得好酥脆，可以点甜辣酱系开胃嘅前菜，味道好有惊喜，会话系成餐嘅Mvp⭐️。最后系两杯餐饮，我哋嗌咗杨枝甘露，大大杯之余入面仲有红柚同寒天晶球，好足料味道都唔会好淡，劲好饮🫶🏻比较特别嘅系餐厅侧边会有board game俾客人玩，适合一班friend上嚟食饭hea下💗overall都好满意，有时间一定会再嚟食！