紅茶冰室

营业中

休息中

位于大窝口邨附近嘅红茶冰室自从开业后都一直受附近居民喜爱。最近红茶冰室结业，合并咗去隔几间舖嘅红茶，味道同餐牌都无太大嘅转变，只不过系更加中西合壁，同时提供港式小菜同埋冰室常餐等。原本今晚打算同屋企人去锯扒，咁啱见到精选晚餐都有板烧黑椒牛柳，当然要一试！华路夫忌廉汤先系介绍前菜华路夫忌廉汤，看似无咩特别，其实亦比一般白汤多少少花式，加入咗火腿丝同椰菜，令成个白汤更加有层次同口感。可惜整体忌廉味都唔系太浓，只属于中等水平。板烧黑椒牛柳 配盐烧芦笋嚟到主菜板烧黑椒牛柳，绝对系令人眼前一亮嘅精选晚餐。虽然牛柳唔算话好大旧，但对于$70一餐嘅价钱嚟讲实在系极高CP值，足够一人食到饱。黑椒汁非常惹味之余，牛柳亦都煎到5－7成熟，肉质稔得嚟亦有足够牛味，其实比起好多一两百蚊嘅西餐厅还要好。至于盐烧芦笋，虽然无太惊艳，亦算不过不失，尚算爽口同无渣。餐跟嘅薯菜都大大旧，想唔食饱都难！顺带一提，呢度嘅冻奶茶都唔错，茶底唔算浓，但整体都叫做好滑同够奶香，作为新式冰室嚟讲亦十分唔错。味道 ⭐️⭐️⭐️⭐️服务 ⭐️⭐️⭐️环境 ⭐️⭐️⭐️性价比 ⭐️⭐️⭐️⭐️⭐️