基地貳 (已結業)

之前同👦🏻食过佢嘅姐妹餐厅Base 3，今次约咗朋友试下喺尖沙咀嘅Base 2！Base 2就系食泰国Fusion菜，食物一如预期发挥不俗，岩晒钟意浓味食物嘅大家！而Base 2嘅装修同样吸引，挂满萤幕🖥展示迷幻太空、蓝天白云等主题，打卡一流！🌟软壳蟹柚子沙律柚子沙律🥗系比预期中大份，软壳蟹大大只，沾上薄薄嘅面粉后炸，外层够干身，内裹就有唔少蟹羔同蟹肉！而柚子沙律就除咗有大量柚子，仲混入椰子片🥥、椰菜、红萝卜丝🥕、紫洋葱🧅同炸蒜，材料味道相当有层次。而酱汁就系传统酸辣汁，对👧🏻嚟讲就辣咗少少！🌟冬荫功卡邦尼意粉韩式有玫瑰卡邦尼年糕，原来泰式都可以做冬荫功卡邦尼意粉！酱汁上非常和谐，冬荫功嘅酸味会比较突出，辣度相对隐约嘅点缀，系容易入口合家欢版本！意粉属于Al Dente质感，亦好挂汁👍🏻。意粉入仲有一只煎大虾🦐，虾肉够实净同鲜甜！🌟香蕉煎饼甜品就叫咗份香蕉煎饼🥞， 完全超有喺泰国街头扫街嘅感觉！用上香酥饼包裹著香蕉🍌，外脆内软！再吱上练奶、朱古力酱同糖霜，绝对唔会Dry！不过食下食下真系好饱，记住要Share食 🌟黑松露薯条嚟到餐厅听系要食下小食，呢个黑松露薯条🍟绝对有惊艳到👧🏻！薯饼