8鍋臭臭鍋 (金巴利道) (已結業)

今日朋友带左我黎依到食臭臭锅，环境唔错都坐得几舒服，第一次食嗌左个招牌臭臭锅，野食好快送到黎，个锅本身都可能系熟既，所以出到黎唔洗等好耐就已经滚起。百几蚊就有一个锅其实都几抵食，而且里面有好多料，汤底味好浓，加埋个啲台式既火锅料好有台湾风味，唔怪得咁多人特登黎食。另外我地仲嗌左个花枝丸同盐酥鸡，个人黎讲觉得盐酥鸡都几值得推介，唔会话好油之余亦都够脆够味，而且四十二蚊黎讲份量都算几多下。野饮方面选择都几多下，同一般台式饮品店有得挥。估唔到系尖沙咀依啲地方都仲会有价钱唔贵得黎又好食既边炉，最紧系系舖面够大，容纳到比较多既客人，等位黎讲都唔洗话等好耐，而且食物好食，cp值好高。