影片
更多
2022-12-09
1221 浏览
鮨心•荀節 6週年 超值23品omakase 2人同行1人半價！除開即係人均五百有找就食到23品！咁抵食邊度搵？？！$980/pax📍燒鱈魚乾作為前菜小食啱啱好，脆卜卜蘸埋佢哋嘅秘製醬就更滋味。📍前菜：磯煮八爪魚：八爪魚口感煙韌，煮得好入味鮟康魚乾：鮟康魚肝肥美，口感綿滑海月（即係水母）：第一次食水母，口感爽脆，加埋酸汁一齊食夠哂開胃。📍刺身白子：白子好新鮮，口感夠Creamy，鮮味十足，同埋用嘅碟好靚好精美。📍石垣鯛：呢款魚喺白身魚嘅一款，亦都較其他白身魚肥美，魚味同油香兩者之間取得平衡。📍鮫鰈魚：係用北海道嘅鮫鰈魚，我哋呢個係用魚嘅魚邊，再配埋魚味濃香嘅鮫鰈魚魚肝，魚味更加香濃。📍令和怪物 大船渡灣呢款蠔size巨型，所以有怪物嘅稱號，海水味較濃，所以師傅加埋自家製吓青檸啫喱突出蠔肉嘅鮮甜味，食嘅時候更加清爽。📍煙燻鰆魚櫻花木用禾稈草所燒嘅鰆魚，仲配埋櫻花木嚟煙燻，再配埋特製嘅洋蔥汁，師傅喺打開蓋嘅瞬間就經已有多重嘅香氣撲鼻，有禾稈草嘅香味、煙燻櫻花木獨特嘅香甜味，呢幾種味道好夾，令呢件嚟自三重縣嘅鰆魚喺香味上層次豐富不少。📍料理紙包金鯛呢款喺以紙包所烹製嘅料理，入面包住嘅有鮮甜嘅
除開即係人均五百有找就食到23品！咁抵食邊度搵？？！
$980/pax
📍燒鱈魚乾
作為前菜小食啱啱好，脆卜卜蘸埋佢哋嘅秘製醬就更滋味。
📍前菜：
磯煮八爪魚：八爪魚口感煙韌，煮得好入味
鮟康魚乾：鮟康魚肝肥美，口感綿滑
海月（即係水母）：第一次食水母，口感爽脆，加埋酸汁一齊食夠哂開胃。
📍刺身
白子：白子好新鮮，口感夠Creamy，鮮味十足，同埋用嘅碟好靚好精美。
📍石垣鯛：呢款魚喺白身魚嘅一款，亦都較其他白身魚肥美，魚味同油香兩者之間取得平衡。
📍鮫鰈魚：係用北海道嘅鮫鰈魚，我哋呢個係用魚嘅魚邊，再配埋魚味濃香嘅鮫鰈魚魚肝，魚味更加香濃。
📍令和怪物 大船渡灣
呢款蠔size巨型，所以有怪物嘅稱號，海水味較濃，所以師傅加埋自家製吓青檸啫喱突出蠔肉嘅鮮甜味，食嘅時候更加清爽。
📍煙燻鰆魚櫻花木
用禾稈草所燒嘅鰆魚，仲配埋櫻花木嚟煙燻，再配埋特製嘅洋蔥汁，師傅喺打開蓋嘅瞬間就經已有多重嘅香氣撲鼻，有禾稈草嘅香味、煙燻櫻花木獨特嘅香甜味，呢幾種味道好夾，令呢件嚟自三重縣嘅鰆魚喺香味上層次豐富不少。
📍料理
紙包金鯛
呢款喺以紙包所烹製嘅料理，入面包住嘅有鮮甜嘅金鯛同埋香味十足嘅百里香，百里開可以辟除魚肉所帶嘅腥味之外，仲可以令魚嘅鮮味得以提升，而用紙包處理嘅關係，魚嘅肉汁仍然保留喺魚肉入面，所以口感滑嫩多汁。
📍壽司
石垣貝：師傅會拍一拍，令細胞得以激活，食嘅時候會更爽口
鹿兒島梭子魚：經過火炙可以逼出油份，食嘅時候油香更重
富山灣白蝦：白蝦落足功夫，用咗昆布漬嘅木紋昆布再加埋自家製嘅蝦油醬油，令白蝦嘅蝦味得以昇華。
青森縣深海池魚：嚟自青森縣嘅深海池魚，魚味較濃，口感較結實。
秋刀魚：依家當造嘅魚，所以更加肥美，魚油風味更濃。
中拖羅：魚味同油香味較均勻，口感軟嫩，蘸醬油就好好味。
大拖羅：師傅堅持要放喺手上，油脂豐富，所以有入口即化嘅口感，令人食完有勁幸福嘅感覺。
東京灣鯖魚：鯖魚比師傳用燒紅嘅備長炭輕灼其表面，令鯖魚多添一份備長炭獨有嘅香味。
北海道赤海膽：呢個季節當造嘅海膽，鮮甜無比，而師傅好好咁比勁多海膽我哋，係滿滿堆到成座小山丘，極邪惡。
📍卷物
喺以吞拿魚赤身、吞拿魚腩蓉、天婦羅嘅碎碎，用紫菜包住嘅手卷，而手卷嘅頂端仲有滿滿嘅三文魚籽。味道因為有三文魚籽所以較咸鮮，而口感係極為豐富，係令人驚艷嘅卷物。
📍蒸蛋
呢款蒸蛋夠哂滑溜，而入面仲有肉同埋年糕，年糕因為一齊蒸而變得更軟糯。
📍魚湯：熱辣辣夠哂鮮甜。
📍甜品
赤肉蜜瓜：香甜多汁，夠哂清新清甜。
黑糖蕨餅：煙煙韌韌，有淡淡嘅黑糖味。
最中餅配有朱古力雪糕：香脆嘅最中餅夾住清涼嘅朱古力雪糕，有透心涼嘅感覺。
#大口在旺角#旺角美食#旺角餐廳#打卡餐廳#打卡美食#旺角日本餐廳#旺角廚師發辦 #omakase #旺角omakase #白子#秋刀魚
#topcitybiteshk#hkfoodie#hongkongfood#hongkonger#hkrestaurant#hkfood#hkig#like4like#followme#photooftheday#foodoftheday#ufoodphoto
张贴
