好吃吃光

营业中

休息中

小店走台式文青風格，裝潢簡約。環境較細，枱與枱距離較近，傾偈大聲少少都會擔心騷擾到隔離。用餐時間係星期六食晏時間，入座率有九成。食完嘅時候更出現人龍，可見小店口碑都唔錯。月見海老蚵仔魯肉飯⁷⁴魯肉份量十足，魯肉粒肥瘦適中，肉質腍嫩入味。海老爽口彈牙，蚵仔份量好多，直頭舖滿晒飯面，蚵仔味道鮮甜多汁，每隻都大大隻而不老，非常嫩滑。另外配埋蛋味濃郁嘅雞蛋黃，好食到忍唔住大啖大啖咁爬入口。鹽酥雞⁴²鹽酥雞份量好足，每件都大大件啖啖肉咁。外面炸得金黃香脆，內裡肉質嫩滑多汁，細食嘅朋友兩個人一份share都好夠食。