藝廊咖啡室

营业中

休息中

妹妹一家请食自助餐， 提议近近地去机场食，从屯门过去都只系20分钟车程， 顺便喺客运大楼影下圣诞树 。我从没去过机场富豪酒店， 好在客运大楼一号落车后，沿路都有指示牌，大约几分钟路程。餐厅环境几好，目测7至8成入座率，坐落位置唔挤迫， 最好系今日小朋友唔算多，而客人取食物都有礼貌有秩序。 食物种类虽然唔算超丰富，但系水准都在平均之上，有些甚至让我有惊喜， 我一家食量唔大，只能家蜻蜓点水式，样样尝试一些。纵使如此，我只食咗一个Round已经饱晒🤣。我执左碟cold cuts送白酒👍，师傅即做的三文鱼寿司及刺身都新鲜， 开边龙虾、蟹脚及青口例行必食，炸蚝脆口唔腥，其次是泰式炒菜及印度咖哩有惊喜，太太力赞海南鸡同蘑菇汤， 我自己就饮咗个酸辣汤， 够辣都唔错， 最后侍应送上一个焗蟹盖，事前唔知道原来呢期做紧蟹主题， 我已饱到上心口， 蟹盖食唔晒有啲嘥，但食到满口蟹味唔系讲笑，食埋个movenpick嘅雪糕就完满结束，除此之外，餐厅的服务也是值得一赞。服务员不仅殷勤有礼貌，对客人的需求都能迅速回应。整体来说这餐是满意的，尤其是可以喺静静地在唔嘈杂嘅环境下，一家人享受一个晚餐。