影片
更多
2020-11-24
284 浏览
我成日食日本嘢，无论刺身、寿司、拉面、定食、sake.... 基本上都好钟意，零抗拒力！不过，讲到高级嘅Omakase，喺香港倒系未试过。一嚟一餐1k落楼走唔甩，二嚟成日都觉得，香港就算比得起钱，都食唔到日本嘅质素。寻日放假，一条友行铜锣湾，见到鮨三川做紧四百零蚊嘅12贯Omakase寿司lunch set！感觉几抵食，于是就入去试下！鮨三川系今年4月开嘅店，之前都Keep住有fd话抵食兼有质素，今次食过，果然名不虚传。手法正宗 细节周到虽为lunch set，但食得出师傅系每个细节都落足心机。好似上菜次序，师傅先会比酸甜嘅柚子沙律及黑松露茶碗蒸刺激食欲。接下来，12贯寿司会按味道由浅到浓咁一件件推出，最初几贯强调鱼肉嘅鲜甜质感，中段加帆立贝、牡丹虾做间场，去到尾段几贯，味道会愈来愈浓郁、油脂相对丰富，成件事好渐进式推进，令人不会产生味觉疲劳。 去到最后，食多咗鱼生，仲有碗热辣辣嘅乌冬打底，暖一暖胃，感觉不错。Omakase另一个讲究位系师傅嘅调味及腌制食物技巧。一般Omakase寿司都主张尽量唔想客人额外加豉油提味，即意味住寿司要有足够嘅调味，既要保持鱼鲜嘅新鲜，味道又唔能够太造作，
寻日放假，一条友行铜锣湾，见到鮨三川做紧四百零蚊嘅12贯Omakase寿司lunch set！感觉几抵食，于是就入去试下！鮨三川系今年4月开嘅店，之前都Keep住有fd话抵食兼有质素，今次食过，果然名不虚传。
手法正宗 细节周到虽为lunch set，但食得出师傅系每个细节都落足心机。好似上菜次序，师傅先会比酸甜嘅柚子沙律及黑松露茶碗蒸刺激食欲。接下来，12贯寿司会按味道由浅到浓咁一件件推出，最初几贯强调鱼肉嘅鲜甜质感，中段加帆立贝、牡丹虾做间场，去到尾段几贯，味道会愈来愈浓郁、油脂相对丰富，成件事好渐进式推进，令人不会产生味觉疲劳。 去到最后，食多咗鱼生，仲有碗热辣辣嘅乌冬打底，暖一暖胃，感觉不错。
Omakase另一个讲究位系师傅嘅调味及腌制食物技巧。一般Omakase寿司都主张尽量唔想客人额外加豉油提味，即意味住寿司要有足够嘅调味，既要保持鱼鲜嘅新鲜，味道又唔能够太造作，好考师傅对食材嘅处理技巧，呢个亦系Omakase点解咁矜贵嘅原因，经验老师傅唔易做！
不过，鮨三川呢方面处理尚算唔错。师傅有同我分享，每款鱼生都经过佢多次嘅调味及腌制实验，先做到而家「无添加」嘅食用效果。好似我试嘅其中一款酱油积赤身寿司，先要用酱汁腌足赤身一晚，中间又加柚子胡椒，提升肉质鲜味等，功序多多。
▲用餐前，店员会递上三角湿纸巾。
▲三角湿纸巾旨在清洁指头。
▲正宗Omakase系用手直接食寿司。至于饮食礼仪，我亦钟意佢哋跟足日本，如Omakase一般会徒手食寿司。上寿司前，店员会预备好三角湿纸巾比我清洁指头，方便我攞寿司食，系度食饭，真系咩日本旅行回忆都返晒嚟！
✦ 12贯寿司lunch set (*另收加一)
按出菜次序：
12贯寿司lunch set (*另收加一)
$398
49 浏览
0 赞好
0 留言
黑松露茶碗蒸
10 浏览
0 赞好
0 留言
▲茶碗蒸好炖滑，入面有白果、蘑菇、虾等配料，几足料。前菜：柚子沙律、黑松露茶碗蒸
沙律偏酸，食完好开胃。至于茶碗蒸则做得好嫩口，左右摇时会动L，不过个人略嫌淡咗少少，而面层嘅黑松露好香浓，升华成个茶碗蒸嘅味道。
12贯寿司lunch set (*另收加一)
$398
31 浏览
0 赞好
0 留言
2/ 𫚕鱼 - 加咗柚子胡椒，好清香！𫚕鱼好肥美，口感一流。
3/ 帆立贝 - 师传改咗帆立贝嘅既有切法，中心切开包裹著饭，咬上去会令帆立贝更爽口，好神奇！另外，帆立贝上洒咗竹碳盐，调味兼引出鲜味。
4/ 深海池鱼 - 中间有啲柚子皮，好清新，食嘅感觉好舒服，不错。
5/ 金目鲷鱼 - 师传指有用热水渌过鱼肉，会鱼肉更烟韧爽口。
6/ 烧虾膏牡丹虾 - 牡丹虾好肥美，肉质细滑！牡丹虾虾膏经过火炙，好香浓，加埋虾肉及饭食，正！
12贯寿司lunch set (*另收加一)
$398
104 浏览
0 赞好
0 留言
8/ 香葱吞拿鱼 - 碎吞拿鱼取自骨与骨之间嘅肉，口感爽点啲，上面仲放咗芝麻、葱、千本渍（腌萝卜），用料丰富。
9/ 酱油渍赤身 - 经过一晚自家制酱油浸泡，赤身咸中带微甜，洒咗少少柚子胡椒，口感清香。
10/ 大拖罗 - 师傅拣咗吞拿鱼嘅蛇腹位置，会放置一会，等油份渗出嚟先比客人食。味道果然好肥美，入口即溶！好正！
11/ 三文鱼籽军舰 - 三文鱼籽好大粒，好新鲜，食上去卜卜脆，紫菜都脆口，食得出师傅对食材处理得好用心！三文鱼籽上仲有柚子碎，有助解腻。
12/ 北海道马冀海胆 - 接下来系海胆寿司！上一个军舰加柚子就系为咗清一清味蕾。呢度嘅海胆咬到一块块厚肉嘅质感，鲜甜美味！我仲见到师傅铲咗一大旧比我！太澎湃了！感动！
12贯寿司lunch set (*另收加一)
$398
12 浏览
0 赞好
0 留言
食完十二贯寿司，师傅仲会送上热汤乌冬。汤汁以鱼汁及冬菇熬成，好鲜甜！
12贯寿司lunch set (*另收加一)
$398
20 浏览
0 赞好
0 留言
最后仲可以拣雪糕/咖啡，今次我拣红豆雪糕，入面仲有红豆粒，基本上都几饱肚！▲好钟意鮨三川嘅Yu师傅，总系不厌其烦同我慢慢讲解每件寿司嘅做法！临走前，我仲厚面皮讨合照！
▲有机会大家都要嚟试试！
张贴
