川大哥

今日收工約左屋企人食飯，打算黎深水埗一頭覓食，行行下黎到呢頭見到呢間川菜小店幾新式，有別於傳統中菜館既裝修，決定一試。

入到去好快有人招呼，店設QR code落單方便快捷，如果揀唔到店員都會俾下意見介紹番

餐廳環境乾淨，檯之間唔會逼，一家左細黎可以近門口更有氣氛。
先叫左啲開胃小食，泡椒魚皮$32，少少辣好爽口。

泡椒魚皮

$32

再黎叫左啲串燒，羊肉串$18@2串，上面有川味辣粉同孜然粉，好惹味！

羊肉串

$18

厚切牛脷$35@2串，大大塊

厚切牛脷

$35

我同家人2個人驚食唔哂，就叫左黃金酸菜魚鍋（小）鯛魚小辣 $198。嘩估唔到好多魚肉，好似食極仲有咁，加上佢哋個湯底有好多娃娃菜，個湯又冇乜味精，越食越想食，食完又唔覺口渴

黃金酸菜魚鍋（小）

$198

我哋仲叫左啲火鍋配料，包括日本廣島蠔$88，紅薯粉$19。

日本廣島蠔

$88

日本廣島蠔

$88

紅薯粉

$19

廣島蠔$88大大粒，有6隻好抵食，放落酸菜魚湯底入面仲好juicy薯粉都好煙韌，煮耐啲吸哂啲湯汁好鬼正

蒜香燒蜆

$58

見隔離枱叫左一盒錫紙燒，我哋都叫黎試下先！叫左蒜香燒蜆$58，大大盒放上個小燭台上熱住，慢慢食啲蜆都仲暖，份量都幾多呢個價錢好抵食而且多蒜得黎幾香，處理得幾乾淨冇沙。
下次會再同朋友黎翻兜佢個黃金酸菜魚，想試埋佢個辣子雞丁，望落整得幾靚又大大盤好香口咁。