大家食

营业中

休息中

一向都只系睇食评，从来未写过，今次跨出一步分享美食分享正能量，希望发掘到高CP美食。第一站︰「大家食」旗舰店地方干净企理，Order纸清晰分类，不过几号几号面餐原来可以加𩠌，要问侍应先确定原来可以加𩠌。侍应好有礼貌好有耐性，值得一赞睇完之后，好多野都想食，不过胃得一个，今次就试「凉拌鸡丝手搅面」，有辣度拣，拣左酸小辣。冻豆浆系必须。系个传菜隆望入厨房，系即叫即整，真系估佢唔到，唔少舖头系整定，依个平头装做得起系有原因。七八分钟后野食上齐，系夜晚食饭时间黎讲，真心快。先讲个凉拌，足料好多鸡，青瓜好爽脆，酸度适中，辣好香但唔够辣，最有惊喜系个面，好好好烟韧同好弹牙，而且好滑，一啖食完好想不断食落去，自己都觉得自己好似好耐无食饭甘。至于豆浆，有豆味而唔假，甜度适中。整体超过一百分，重点系四十四蚊食到甘既质素，性价比确系高到爆灯，做饭堂一流。