影片
更多
2020-03-18
105 浏览
【喜来稀肉Seorae】『香港篇-油尖旺区』朋友生日又难得多人，当然要有大食大。加上天气冻既关系，所以一定系拣D热辣辣食到爽YY既野。万变不离其中，一定系打边炉/BBQ/韩烧拣一样。今次我地就选择左一间几出名既韩国烧烤-喜来稀肉Seorae。呢间烧肉黎讲睇IG就成日都见到好多人打卡，可能系韩流既关系会有OPPA撑场。而我本身听就听得多呢间餐厅，食就从来未食过，今次就真系First Blood。我地今次就有Book位Book左8点半。一黎到而家见到好多人系门口等位，我地大概等左20分钟左右(因为有Book位)。咁我就利用呢20分钟去睇下D Poster 同埋Menu 啦。见佢啤酒有买一送一真系唔洗谂，又黎『露营必须酒』系列。再睇埋Menu，见佢D肉同埋D韩国菜都咁上下价钱㖞，心裹面就开始有种奇待同埋最终幻想，质素应该唔会差得去边既。我地一行十一人分左两张长台，OPPA一黎就帮我地系炉边到加左泡菜蛋/芝士蛋同埋蒜片，仲比左几碟配菜包括有泡菜同埋芽菜仲有一盘生菜夹肉。入正题先，韩烧食物方面我地一黎就叫左两头猪同埋两头牛既套餐，每份套餐包括左一盘唔同部位既肉，饮品两杯及醋饭八粒，五花肉一碟及辣
『香港篇-油尖旺区』
朋友生日又难得多人，当然要有大食大。加上天气冻既关系，所以一定系拣D热辣辣食到爽YY既野。万变不离其中，一定系打边炉/BBQ/韩烧拣一样。今次我地就选择左一间几出名既韩国烧烤-喜来稀肉Seorae。呢间烧肉黎讲睇IG就成日都见到好多人打卡，可能系韩流既关系会有OPPA撑场。而我本身听就听得多呢间餐厅，食就从来未食过，今次就真系First Blood。
我地今次就有Book位Book左8点半。一黎到而家见到好多人系门口等位，我地大概等左20分钟左右(因为有Book位)。咁我就利用呢20分钟去睇下D Poster 同埋Menu 啦。见佢啤酒有买一送一真系唔洗谂，又黎『露营必须酒』系列。再睇埋Menu，见佢D肉同埋D韩国菜都咁上下价钱㖞，心裹面就开始有种奇待同埋最终幻想，质素应该唔会差得去边既。
我地一行十一人分左两张长台，OPPA一黎就帮我地系炉边到加左泡菜蛋/芝士蛋同埋蒜片，仲比左几碟配菜包括有泡菜同埋芽菜仲有一盘生菜夹肉。
入正题先，韩烧食物方面我地一黎就叫左两头猪同埋两头牛既套餐，每份套餐包括左一盘唔同部位既肉，饮品两杯及醋饭八粒，五花肉一碟及辣鱿鱼一碟。
套餐既肉份量就认真麻麻，每人两三块就无得再添，好似上左雪山咁款。肉既质素真系好一般，应该好过平价任食边炉小小。鱿鱼方面，我以为自己去左BBQ场，再睇一睇个价钱真系眼都突埋，系差唔多任食BBQ既一人价钱。咁唯有食番D炉边蛋等条气顺番啦，食完炉边蛋之后先知原来呢间餐厅CP值最高既一定系炉边蛋。唔紧要啦，唯有寄望下D道地韩国菜。
韩国菜方面，我地就点左水冷面、参鸡汤、海鲜泡菜饼、猪肉泡菜汤及炸酱面。先讲番D面同埋饭先，个味道就同我去开既一间连锁韩国菜快餐店略为差点，个价钱竟然贵韩国菜快餐店大慨50%，呢铺真系唔荒唔钱的迫降。之后再黎果个猪肉泡菜汤仲要Mini 到得一人一匙左右，我又以为自己上左雪山。最后个海鲜泡菜饼同埋参鸡汤就叫左中规中距，D鸡又浸到几林几入口，叫左加番小小分。最后我地一行人既平均消费都$320，个价钱应该可以食高质烧肉放题。
服务真系要认真讲讲，人手不足不在话下，仲要D OPPA揾极都唔黎讲两句都无咩耐性，好似赶住走咁款，点菜点左一半佢已经走左，之后又要揾番佢番黎叫埋其他果D。呢方面真系有待进步，可能呢D就系OPPA咁样Style。
小小题外话，系打呢篇食评前，我上网Search 餐厅既店名已经见到一篇由名食评家系报张对呢间餐厅既食评，我表示十分认同。
如果大家想食烧肉既话，不妨考虑下个价钱够唔够食烧肉放题。
CP值爆灯食物推荐：炉边蛋。
各位炼金术士有兴趣都可以试下，欢迎PM 交流下。
识食‧你都会系食の炼金术士
石锅拌饭
$85
2 浏览
0 赞好
0 留言
参鸡汤
$125
9 浏览
0 赞好
0 留言
炸酱面
$95
74 浏览
0 赞好
0 留言
壹头猪套餐/壹头牛套餐
$940
7 浏览
0 赞好
0 留言
壹头牛套餐
$520
15 浏览
0 赞好
0 留言
壹头猪套餐
$420
7 浏览
0 赞好
0 留言
炉边蛋
8 浏览
0 赞好
0 留言
配菜
14 浏览
0 赞好
0 留言
辣鱿鱼
$150
15 浏览
0 赞好
0 留言
MAX BEER
$62
19 浏览
0 赞好
0 留言
题外话/补充资料：
下单食物包括:
1.壹头猪套餐 x 2($420/盘，餐包:饮品2杯及醋饭8粒)
2.壹头牛套餐 x 2($520/盘，餐包:饮品2杯及醋饭8粒)
3.海鲜泡菜饼($90)
4.参鸡汤($125)
5.水冷面x 2($85)
6.猪肉泡菜汤($80)
7.石锅拌饭($85)
8炸酱面($95)
9.辣鱿鱼($150)
10.五花肉($123)
下单饮品包括:
1.灯汁($20)
2.葡萄汁($20)
3.柠檬汽水x 2(餐+$8/杯)
4.芒果汽水(餐+$8/杯)
5.西柚汽水(餐+$8/杯)
6.柚子汽水(餐+$8/杯)
7.蓝莓汽水(餐+$8/杯)
8.MAX BEER x 10($60/杯)*买一送一
评分 💯 (5分为满分)
味道 : 👍👍(质素一般，可以更好)
性价比 : 💲(食物质素与价钱完全不付)
环境：🌴🌴(场地麻麻，由其洗手间)
服务态度：🗿(人手明显不足及缺乏耐性)
败北地方：烧肉来讲可以有更多更好的餐厅，纯韩式菜来讲尖沙咀韩国街相信会更出色，两种菜式都是好麻麻。
喜来稀肉Seorae
地址: 港铁旺角站 E 出口, 步行约7分钟
电话: 21046882
(以上食记乃用户个人意见 , 并不代表OpenRice之观点。)
张贴
