燒肉801

营业中

休息中

最近思乡病又发作，好挂住乡下既烧肉，即刻揾返间高质素嘅日本餐厅同班同乡食返餐先。餐厅位于尖沙咀加连威老道The One对面，入到餐厅环境好阔落，卡位坐得舒服，抽风系统好，无油烟味。我地拣三个午市套餐share，801盛、804炎盛同806牛舌盛，原来午市套餐仲跟味噌汤、白饭同饮品。每碟都非常够份量，黑毛和牛牛小排和牛肩胛肉质烟韧，牛肉味够浓，仲配一只温泉蛋，配蛋汁食充满口感超好食，鸡腿肉多汁超级嫩滑，配上葱盐食好惹味，正。再试炎盛腹前牛小排，肉质好新鲜，入口即溶，油脂分部平均，唔会太肥腻，真系好食到晕。最后烧牛舌，牛舌有2种盐味+汁烧味，份量好多，牛舌口感十足，烧一烧送饭食一流。