影片
更多
2020-07-13
572 浏览
话说小妹前排趁疫情数字回落嘅时候，相约好朋友去咗一间位于屯门、以西式定食做主打嘅西餐店，发现CP值非常高，忍唔住想同大家分享。西餐厅位于V City附近，非常就脚。店内系小清新风格嘅装潢，以白色为主，一行入去就有一种温馨舒适嘅感觉。小妹同朋友一人嗌咗一个定食，一上枱，两个人就忍唔住「哗哗」声，因为个餐真系好．大．份(利申:对女仔嚟讲)﹗首先系「美国有骨猪鞍配薯虾丝」($166)，拣咗薯菜，淋上野菌汁嘅猪鞍肉味甚浓，食落质感唔会太「鞋」口，肉汁锁到实，野菌汁味道唔会太抢，反而令猪肉嘅香味更浓。个人认为薯虾丝都唔错，香脆可口，配上小妹最钟意嘅泰式辣酱，认真Ichibang﹗前菜都好用心，居然用Super Food红菜头作为沙律，红菜头冇一阵草青味，反而爽口得嚟酸酸甜甜，非常易入口，应该系以糖醋腌渍过，令其风味更佳。朋友嗌嘅系「香煎鲈鱼配特式炸鸡粒」($168)，同样拣咗配薯菜，用上红花忌廉汁。经过轻煎嘅鲈鱼外皮微脆，鱼肉滑溜煮得啱啱好，唔会过熟。小食炸鸡粒虽然唔系话整得好出色，但作为配角嘅佢真系不过不失。值得一赞嘅系，佢每个餐都附送一杯新鲜杂果，唔系罐头𠮶啲，系真系手切新鲜生果﹗另外佢嘅水
西餐厅位于V City附近，非常就脚。店内系小清新风格嘅装潢，以白色为主，一行入去就有一种温馨舒适嘅感觉。小妹同朋友一人嗌咗一个定食，一上枱，两个人就忍唔住「哗哗」声，因为个餐真系好．大．份(利申:对女仔嚟讲)﹗
首先系「美国有骨猪鞍配薯虾丝」($166)，拣咗薯菜，淋上野菌汁嘅猪鞍肉味甚浓，食落质感唔会太「鞋」口，肉汁锁到实，野菌汁味道唔会太抢，反而令猪肉嘅香味更浓。个人认为薯虾丝都唔错，香脆可口，配上小妹最钟意嘅泰式辣酱，认真Ichibang﹗前菜都好用心，居然用Super Food红菜头作为沙律，红菜头冇一阵草青味，反而爽口得嚟酸酸甜甜，非常易入口，应该系以糖醋腌渍过，令其风味更佳。
朋友嗌嘅系「香煎鲈鱼配特式炸鸡粒」($168)，同样拣咗配薯菜，用上红花忌廉汁。经过轻煎嘅鲈鱼外皮微脆，鱼肉滑溜煮得啱啱好，唔会过熟。小食炸鸡粒虽然唔系话整得好出色，但作为配角嘅佢真系不过不失。
值得一赞嘅系，佢每个餐都附送一杯新鲜杂果，唔系罐头𠮶啲，系真系手切新鲜生果﹗另外佢嘅水吧都系任饮，上至冻饮，下至热饮都非常齐全，但提供嘅款式都要视乎餐厅而定，唔会日日一样。
小妹真心觉得呢间餐厅值得推介，食物质素同份量嚟讲对得住呢个价钱，CP值颇高，有兴趣可以试吓﹗(疫情期间建议外卖)
张贴
