波記甜品 (已結業)

山长水远入屯门揾朋友，热到死，朋友仲话带我去食热辣辣既车仔面。本身仲好嬲，谂佢系咪玩我。🙄点知，去到见到系黄店之余，仲要有得叫甜品，咁鬼热有甜品食，即刻开心晒！😛波记两𩠌车仔面 （$34）我地叫左碗牛腩+自家制水饺配米线 （牛腩汁）一齐share。我只可以话34蚊黎讲，佢份量真系多到痴线！😳牛腩好淋，牛味都足，口感几好！个自家制水饺我觉得超好食，好juicy，又足料，真心正。米线都几弹牙，个牛腩汁都香。整体黎讲，34蚊呢个价真系超值。👍波仔腩肉（$18）好大碟既腩肉，系唔错既。肥瘦比例算系适中，口感好爽。👍南乳猪手（$18）又系好多份量！啖啖肉，个皮又弹牙，口感十足。肉唔会太腍，而且个南乳都几入味，不错。😋芒金捞 （$50）超正呀！有布甸，椰果，西米露同超甜既芒果。🤤布甸好正，成个甜品好重芒果味，个汁都整得好香。最正佢系用左一个靓既芒果，加好多分！🥰心太软配朱古力雪糕 （$55）心太软焗既时间做到得好好，令到流心好靓，而个外皮又够脆。朱古力味都好浓郁，好正呀！😋 朱古力奶昔 （$42）奶昔好smooth，又唔会太甜，又可以令个朱古力好突出！夏日热辣辣，饮左呢杯奶昔真系爽到爆！😆