翔壽司 (已結業)

今日去咗尖沙咀厚福街揾食，疫情期间太挂住日本喇，揾咗一间叫翔寿司度试吓，店入面座位唔多，绝对系小店经营，据知呢间系前米芝莲推荐餐厅嘅寿司师傅班底开设，所以都有唔少捧场客。入到店入面店员都几有礼貌，仲好主动斟茶。我今次拣咗个刺身寿司盛合、拖罗海胆杯。店员会先送上面豉汤同沙律菜。▪️刺身寿司盛合 $148🔺油甘鱼刺身二切🔺三文鱼刺身二切刺身全部都系厚切又够新鲜，好有鲜味，入口啖啖肉好有满足感。🔺赤虾 好大只虾，啖啖肉好新鲜，食埋个虾头好多虾膏，虾膏好甘甜，食完有幸福嘅感觉。🔺寿司🍣有赤身、左口鱼、真鲷、鲂𫚒、带子。寿司全部都好新鲜，食落一啲都唔会腥，其中鲂𫚒仲系我身一次食到，味道都唔错；左口鱼系我嘅最爱，钟意油脂味浓，系我每次食寿司都会必点。▪️拖罗海胆杯 $148除左有拖罗同海胆之外，仲有三文鱼子，三文鱼子味道一啲都唔腥，味道仲好甘香；海胆份量一啲都唔少，海胆好creamy 仲带点清甜，大大啖食落去好有满足感；丼饭嘅上面仲有拖罗蓉，夸张啲讲配料系多个饭，好满足好好味。总结：店舖虽少，但都干净企理；食物质素高；店员亦都好有礼貌。绝对值得再嚟支持。