岩鹽日本料理 (利舞臺廣場) (已結業)

系铜锣湾好多铺头都收10点，见到哩间未收就入去试下，有啲套餐仲有优惠，低至55折起，都几抵食。日本豚肉肠陶板烧｜有火一直㷫住个炉保持住食物温度，肠仔有个类似酱既夹埋一齐起，加埋会冇咁咸，而且份量都好足。三文鱼风味卷｜卷物味道唔错，厚身三文鱼经灸烧后油脂爆满，整个口感丰富好味。蒲烧鳗鱼釜饭｜一品两食既鳗鱼饭，可以当埋茶渍饭咁食，体验两种食法。难怪见到咁多人order来食，性价比高！串烧盛盒｜有鸡翼、鸡肉丸子、牛舌、大葱猪肉、鸡软骨、日本蕃薯、香菇、狮子唐，牛舌厚实唔韧，个人最喜欢。