龍鳳號 (裝修中)

🍽龙凤号 (观塘)📍观塘骏业街56号中海日升中心2楼2B号舖1.澎湖花枝虾饼 （$72）花枝虾饼表面系用吉列既方法炸过，但炸出嚟唔会太油。里面有好多虾同花枝，好似爆出黎咁，每啖都会食到花枝同虾肉，十分足料，做得十分香口爽弹。2.宜兰葱肉煎饼（$48）煎饼皮做得唔厚，做得刚刚好，唔会漏汁，而且煎得表面金黄色，好香口！肉馅做得好入味，系一个韭菜猪肉馅，里面有好多韭菜同香葱，带有少少姜既味道！ 咬落去好多肉汁爆出嚟，外脆内软，令人想食完一旧又一旧。3.凉拌秋葵（$42）秋葵系人都知好处多不胜数，滑肠解便秘，美肌，防癌等等。凉拌秋葵嘅上面放咗好多卤肉碎，令到本来冇乜味道嘅秋葵咸咸地好入味。秋葵做得好爽口，唔会煮得太淋，用黎凉拌真系一流，真系又健康又好味呀。环境：💛💛💛💛🤍4/5卫生：💛💛💛💛🤍4/5食物：💛💛💛💛🤍4/5价钱：💛💛💛💛🤍4/5（$162）P.S.餐厅嘅装修真系好靓好唔错，用嚟打卡都一流。地方都系干净同卫生，食得安心真系好重要。食物既材料等等都好足料，而且价钱又合理唔贵。佢地倒水都系以自助形式，想饮几多就饮几多。呢一间餐厅CP值都几高，钟意食台湾嘢食嘅你哋，值得一试。