尚海人家 (譚臣道) (已結業)

最近返工经过湾仔见到有间新嘅上海外卖小店新开张，听讲呢间餐厅仲要系前米芝莲小食店总厨主理，价钱都好抵食所以就去试吓！呢间餐厅听讲最出名就系佢嘅生煎包，我去买𠮶阵都净返最后两个，咁当然就唔好执输全部都买返屋企。估唔到呢个生煎包真系有惊喜。一入口生煎包好多汁爆出黎，而且里面嘅肥猪肉唔算好多唔会食到一口油，亦都唔会有猪肉嘅骚味，最估唔到系搭左一程车返屋企先至食都仲可以keep到面头嘅脆皮，绝对系必食推介 ！上海排骨菜饭嘅菜饭都有唔少嘅蔬菜喺里面，蔬菜入口都好爽脆，食得出唔系放隔夜，另外佢嘅猪扒亦都调味十足，配返菜饭食啱啱好。凉拌小木耳入口好爽口，麻油香味十足，微微渗岀少少嘅麻辣风味。桂花蜜糖鸡翼好香甜，鸡翼炸到好香脆，加埋香口嘅芝麻令到口感更加有层次，我个人都觉得不错吃。总括嚟讲我觉得呢间餐厅CP值好高，价钱亦都唔贵，大家如果喺附近嘅话记得买黎试吓！