神

营业中

休息中

网上见到呢间石烧牛评价几高，于是找了个周末专程到元朗一试。先在门口自助贩卖机落单，拣咗180g牛柳。除咗石烧牛呢个主菜，仲有自助区任食沙律、白饭、罗宋汤、冻水/柠檬水。上餐都好快，180g牛柳份量都唔少。牛柳肉质唔会话干，有肉汁，有牛尾，咬落唔会话韧。白饭任装之余，仲有饭素俾你自己加。沙律有沙律菜、粟米、蕃茄仔，仲有几款沙律执仗自己拣，沙律材料食落都新鲜。柠檬水酸酸甜甜都几好饮。最令人惊喜系个罗宋汤，材料好足好多牛肉，味道超浓超好饮，绝对要encore！整餐饭性价比超高，值得下次再试其他牛。