蝦匠 (已結業)

平时都系食日式嘅汤面，今晚就尝试了另外一种地道口味，本身约了朋友去食泰国菜，但行过见到只招牌上只大虾便行过去望望，餐厅光猛整洁座位阔落，于是就入去了，座下店员便递上点菜卡同笔，有点似食日本面嘅方式，拣汤底，粉面，配料外，还有特色泡饭选择，但系地道就系用车仔面嘅材料配搭，而且点菜卡背后重有不同类型嘅小食同饮品，价钱合理，点了粉面后还可以用优惠价钱配饮品，真系十分优惠！汤底就点了这里推介嘅虾匠汤底$48，跟汤底已经有虾、札肉、鱼片、豆卜、芽菜，跟住就选了掺掺，油面加米粉，大胃口嘅重有加底选择，而自选材料第一样吸引嘅就系半只龙虾$50，同埋有最爱嘅炸午餐肉$10，陈醋皮蛋$20，脆香胡椒鸡翼$13两只x2，同埋杯特饮柠檬天葵花$16最快上枱就系份陈醋皮蛋，切开细细件围成一个圈，中间位置放了些酸甜紫姜，皮蛋入口有阵阵陈醋嘅味道之余，蛋黄见到都系流心，入口够晒味道！之后就系份脆香胡椒鸡翼，就系见到邻座点了咁大只，所以要了两份，呢个价钱绝对够晒街坊价，但份量大小绝对够晒满足，外面炸得十分香脆，咬开里面嘅肉却嫩滑软熟，正！主角当然就系个虾匠汤嘅掺掺啦，最抢眼就系个半只龙虾差不多占了三分之一只碗嘅空间