影片
更多
2023-02-08
633 浏览
男朋友生日决定book食想试好耐嘅后街牛扒，因为未食过嘅关系所以book食lunch试一试水温先😜订位只需佢提供嘅网站就OK，到到食嘅前一日会再有msg确定booking。一入到去虽然店面细细唔系啲咩高级感重嘅装修，但干净企理有个性。好彩地虽然我哋得两个人，但被安排到四人位，所以空间都好足够。我哋分别点咗：美国 BRANDT BEEF PRIME 荷斯登牛腰扒🥩配法式忌廉牛油薯蓉美国 BRANDT BEEF PRIME 荷斯登短骨牛肋眼🍖配法式忌廉牛油薯蓉＋（upgrade）牛骨髓🦴、炸薯条🍟套餐亦会包咗前菜小食、沙律、餐汤、面包、甜品同餐饮（可选择upgrade）但今次我哋就点咗最基本嘅首先讲讲前菜、沙律、野菌汤、面包：前菜系吞拿鱼🐟同酥皮乳酪盒子（唔太记得个名😂），我哋按照咗餐厅嘅建议先食吞拿鱼后食盒子。🐟吞拿鱼系半生熟嘅，上面片蒜同橄榄，味道上比较偏咸，我估系橄榄腌制过嘅关系；酥皮乳酪盒子酥皮层次分明，比较硬身干身个种，配合埋乳酪酱酸酸地有微微奶香，清淡调味，减轻返啱先吞拿鱼嘅咸味，好似清一清咗腻感咁。沙律系凯撒沙律，酱汁比较浓稠同重味，黄芥末酱偏向重啲啲。🍄汤都系浓稠，都香菇菌
一入到去虽然店面细细唔系啲咩高级感重嘅装修，但干净企理有个性。好彩地虽然我哋得两个人，但被安排到四人位，所以空间都好足够。
我哋分别点咗：
美国 BRANDT BEEF PRIME 荷斯登牛腰扒🥩配法式忌廉牛油薯蓉
美国 BRANDT BEEF PRIME 荷斯登短骨牛肋眼🍖配法式忌廉牛油薯蓉
＋（upgrade）牛骨髓🦴、炸薯条🍟
套餐亦会包咗前菜小食、沙律、餐汤、面包、甜品同餐饮（可选择upgrade）但今次我哋就点咗最基本嘅
首先讲讲前菜、沙律、野菌汤、面包：
前菜系吞拿鱼🐟同酥皮乳酪盒子（唔太记得个名😂），我哋按照咗餐厅嘅建议先食吞拿鱼后食盒子。🐟吞拿鱼系半生熟嘅，上面片蒜同橄榄，味道上比较偏咸，我估系橄榄腌制过嘅关系；酥皮乳酪盒子酥皮层次分明，比较硬身干身个种，配合埋乳酪酱酸酸地有微微奶香，清淡调味，减轻返啱先吞拿鱼嘅咸味，好似清一清咗腻感咁。
沙律系凯撒沙律，酱汁比较浓稠同重味，黄芥末酱偏向重啲啲。
🍄汤都系浓稠，都香菇菌味，都系比较偏向浓郁同会有啲啲饱肚感。面面包出面烘热过所以会有微微脆嘅软面包，但包底会占到碟上嘅黑醋酱，所以食落黑醋酱味道会比较突出。
前菜
356 浏览
0 赞好
0 留言
野菌汤
17 浏览
0 赞好
0 留言
牛腰扒🥩（三成熟）
肉香又嫩，唔会见到明显嘅脂肪，睇落似牛柳，但食落会都适量油脂同肉香👍🏻👍🏻
牛腰扒
34 浏览
0 赞好
0 留言
短骨牛肋眼🍖（餐厅建议八成熟）
肉味比牛腰扒更加浓郁，外面有层脂肪被烧到焦脆香口，但因为比较浓味同有油脂相对上会比较易腻，追求浓郁牛味嘅朋友可以一试，虽然8成熟，但唔会因为咁而鞋口，入面都系会有粉红色👍🏻👍🏻
短骨牛肋眼
53 浏览
0 赞好
0 留言
法式忌廉牛油薯蓉🥔
食落好香牛油香同忌廉味，幼身薯蓉但比较杰身，但亦都比较易腻同饱肚，配牛腰扒🥩还好，但配短骨牛肋眼大家要浓味变相更易觉得腻。
本身以为牛肉都唔算太大份，所以再upgrade加咗牛骨髓🦴同薯条🍟事后觉得都唔需要加，因为就咁set都好够饱😂加上两样都系易腻嘅嘢，再加埋牛肉同薯蓉嘅腻下次点餐前真系要谂谂😂如果一班人share食少少应该好好多。
牛骨髓🦴上面会有啲调味香料脆脆，入面系好滑凝固咗嘅油脂咁嘅骨髓，好香油脂味，但真系好腻😂
薯条🍟系粗身原只薯仔切个种薯条，干身唔会油淋淋亦唔会过份调味🤓但就唔算好脆身个种，当然粗身薯条就食得到薯仔嘅质感
甜品🟠🟡🟤马卡龙
正正常常，唔会摆到又硬又干个种。生日个位仲会有爉烛✨，职员仲会同时送上餐厅准备嘅生日礼物🎁❤️相当窝心有心思👍🏻
整体嚟讲我哋都好满足今餐用餐体验，食物足料有质素，由其肉类真心有质素，加上店嘅心思，期待下次再嚟食嘢😋😋
题外话，厕所都算几干净，又唔会湿𣲷𣲷，由此可见厅餐除咗对食物上有要求，卫生都有注意👍🏻
张贴
