M Kitchen (已結業)

朋友推介呢间餐厅，今晚终于有机会试吓。 餐厅超贴心，一坐低就每人先提供一杯抗疫汤水，味道都唔错。 我哋今日点咗金蒜香鸡饭、蟹子杨州炒饭、黄金赛磅蟹饭。金蒜香鸡饭 - 呢个饭非常香口惹味，啲鸡外脆内软，鸡肉仲有肉汁，唔会煮到好干好柴，个饭配埋啲干蒜一齐食真系超好味，呢个下次一定会再叫嚟食。蟹子杨州炒饭 - 虽然好似好普通，但个饭系炒得好好，个饭炒得够干身，炒到一粒粒，好有咬口，味道亦刚刚好，好够镬气。黄金赛磅蟹饭 - 呢个系配白饭食，超好送饭。份量都唔少，仲有好多粒带子仔同西兰花，出面其他餐厅点会有咁多吖，咁嘅价钱真系非常抵食呀。餐厅环境亦坐得非常舒服，枱同枱之间距离唔会太近。员工服务态度亦好好，好有礼貌。真系好难得而家仲有呢啲食物质素好、坐得舒服、价钱又唔贵、服务态度好嘅餐厅，下次一定会再嚟呀。