大喜屋 (已結業)

同另一半去食饭，倾好谂住食放题，一致认为大喜屋排头、质素最好，一早打定枱去订位，知佢full嘛。其实我都唔系第一次帮衬，环境同般放题差唔多，人多会坐得松动D，另外店员招呼都ok，够快手同有效率呢间嘅刺身真系好新鲜，三文鱼、池鱼同赤贝都好正，至于甜虾都ok，八爪鱼就薄身D，但冇所谓啦，反正系放题任食，我一次过放几件入口仲爽。食左两转刺身，带子鲜甜，讲真佢地嘅刺身真系正过其他放题店好多，最重要系238蚊，抵食架寿司上得好快，可能我地第一转，唔会好多饭，而且寿司D款都啱食。串烧虾大只同新鲜，完全唔会霉，个壳都仲脆！牛舌同牛柳粒一样好食，唔会un~另一半点起粟米，佢话好甜好正！我就钟意西京烧，通常我都食几转，鱼肉嫩。另外我都推介烧牛肉，食左好多转，天妇罗虾都正，好新鲜，劲热辣香脆炒蚬都唔错，图中就一人份，可能要写多几转先够皮。最后仲包左杯哈根大师雪糕，仲有新出嘅芝士麻糬味添。整体所有食物都keep到水准，所以令我地一次又一次帮衬呢