淼ひよう壽司日本料理 (已結業)

元朗一直有好多好食嘅日本餐厅，所以相对上竞争都几大。今次试咗呢一间叫淼既日式餐厅，虽然位置上边唔系喺大马路𠮶边咁方便，但系我觉得佢系食物上面嘅质素好过其他元朗既餐厅。首先刺身寿司嘅用料好新鲜，首先讲下刺身我哋叫咗三文鱼腩同埋牡丹虾刺身。三文鱼腩切得好厚， $40有三块唔贵好味。但系食埋个牡丹虾觉得仲抵，因为牡丹虾非常好食搞到我哋叫多咗几只嚟食！大力推荐哩到既刺身。至于寿司方面我哋都叫咗几款唔同嘅寿司，呢度嘅寿司食得出唔系用机器整既啲饭，因为寿司饭整得好结实唔会话一日就散开。至于最好食𠮶件我认为系左口鱼寿司！ 之后就到炸物，呢个炸生蚝虽然得四粒但系每一粒啲蚝都好新鲜炸得好香脆，但系又唔会揸到啲蚝干晒，每一粒食落都充满蚝味！ 又系大力推荐大家要叫既！至于烧麦我哋就叫咗两款一款系烧鸡翼而另一款就系烧芝士年糕！我个人就比较钟意食烧鸡翼啦，因为鸡翼烧到好香口，虽然个鸡翼没有太多调味，但系整左d青柠汁上去即刻好味10倍！至于个烧芝士年糕就不过不失啦，钟意食芝士味既朋友都可以一试嘅！ 最后一款想介绍俾大家嘅系呢一个寿喜烧㖞，牛肉肉质都唔错但系𠮶个汤汁就系一绝啦，但系美中不足嘅系佢冇同埋个火炉一齐上。