牛舞日本燒肉‧涮涮鍋放題

营业中

休息中

一行六人有老有嫩庆祝中秋节🥮拣牛舞因为可以烚下烚下又可以烧肉👍🏻拣左b餐，果然性价比够高，牛肉靓，油脂分布好，烧出嚟香喷喷！食欲大增！嫌热气老人家又可以滚，大家都开心！小朋友又可以食紫菜温泉蛋饭！仲有好多甜品同雪糕，100分钟个口完全唔得闲😆真心最好嘅系到我哋order到最后，佢都无比啲低级左既肉我哋👍🏻海鲜又够多款，虾同蚝又好食！串烧除左普通嘅鸡肉串，鸡软骨串，仲有鸡心，又有豚肉包芫荽！芫荽控劲欣赏！炸物有榴连波之外仲有朱古力波！真系食肉食到腻𠮶时可以平衡下，之后再食过😆饮品选择有盒装罐装野，有自己冲既酸梅汤洛神花茶，又有即冲咖啡机，有朱古力又有热牛奶，真系劲多野拣！好多野都未试到！所以下一次食要试个a餐！食我最钟意嘅甲罗烧😍仲可以多20分钟食😜职员收碟快，上碟又会帮我哋放好，主动帮我哋换网，加汤。最要赞既系，当我叫左条厚切韩式猪肉𠮶时，个女仔好快咁听到我哋想要交剪，好快就比左我，真心觉得惊喜！系而家周围食嘢预左受气既时候，遇到真心为食客既侍应真系好开心！呢餐我哋大家都食得好开心！