小麻吉滷肉飯 (已結業)

放工后同朋友行旺角，顺便去食埋饭，因为刚过血色二月，所以大家都唔想食太贵，所以带左朋友行去女人街食台湾野。小麻吉都算几多人，但排一阵就有位。晚市套餐牌都好抵食夹大件，一个主食加两个小食，同时仲有野饮都是人均$70左右。我同朋友都叫左卤肉饭，白饭上淋上简单的卤肉汁，好难唔好食，不过我就希望可以再热少少，但朋友话温度刚刚好，一上枱唔使摊冻就食得。个餐有个紫菜贡丸汤，我最钟意紫菜汤，入口的紫菜冇沙好干净。仲有大大粒贡丸。每一个餐都有两个小食，但其实分量都唔细，食台湾野当然要食红烧肉，牛筋腩炆得够淋又入味，牛筋份量算多，红萝卜都入晒味。忍唔住又叫卤水猪耳加猪肠，猪耳爽脆，猪肠淋够干净，带少少肥膏。朋友叫的是卤水鸡翼，有三只，几有住家的感觉。下次想叫台湾肠同鸡排！可能隔离饭香，好似好吸引的。个套餐最抵系随餐是有饮品。