影片
更多
2017-06-26
6501 浏览
同朋友去到沙田河畔花园附近的「M3 Italian」试吓意大利菜，好彩我哋比较夜少少去到，就唔使等位。首先坐低店员就攞咗三个餐包俾我哋，仲有三杯暖水俾我哋，非常体贴啊，另外啲餐包热辣辣的，配以牛油夹入面包中间一齐食，估唔到都几正。我哋已经急不及待叫咗几样食物先，首先就系小食「炸杂锦三式」，小食比较香脆可口，我哋三个人都比较钟意食鸡翼，最特别嘅系鸡翼切成一半，变咗单骨鸡翼。薯角炸得好香脆，而且冇乜油，再点茄汁食，非常滋味啊。我另外个朋友比较钟意食pizza，所以我哋选择左「四式芝士薄饼」， 哈哈，因为佢系芝士迷，呢个Pizza包含咗四款唔同味道嘅芝士，而且饼底系薄批，所以食落去唔会太饱太「济」，Pizza上面除咗有芝士，仲有番茄酱为主系Pizza旁边，食落去有好浓郁嘅芝士同蕃茄味道，而且Pizza薄薄地食落去好脆口，好有质感，芝士Pizza迷必食之选。食咗啲煎炸嘢食，梗系要叫番杯嘢饮饮吓解下渴先，我就叫咗杯「红莓汁」试吓，都系＄30一杯，我觉得几抵。红莓汁味道酸酸甜甜，除咗解渴之外，更可以开胃，醒胃之选。我哋比餐牌上嘅「黑松露野菌烧带子意大利粉」图片所吸引，见到意粉上面有好多配料，所以叫
首先坐低店员就攞咗三个餐包俾我哋，仲有三杯暖水俾我哋，非常体贴啊，另外啲餐包热辣辣的，配以牛油夹入面包中间一齐食，估唔到都几正。
我哋已经急不及待叫咗几样食物先，首先就系小食「炸杂锦三式」，小食比较香脆可口，我哋三个人都比较钟意食鸡翼，最特别嘅系鸡翼切成一半，变咗单骨鸡翼。薯角炸得好香脆，而且冇乜油，再点茄汁食，非常滋味啊。
我另外个朋友比较钟意食pizza，所以我哋选择左「四式芝士薄饼」， 哈哈，因为佢系芝士迷，呢个Pizza包含咗四款唔同味道嘅芝士，而且饼底系薄批，所以食落去唔会太饱太「济」，Pizza上面除咗有芝士，仲有番茄酱为主系Pizza旁边，食落去有好浓郁嘅芝士同蕃茄味道，而且Pizza薄薄地食落去好脆口，好有质感，芝士Pizza迷必食之选。
食咗啲煎炸嘢食，梗系要叫番杯嘢饮饮吓解下渴先，我就叫咗杯「红莓汁」试吓，都系＄30一杯，我觉得几抵。红莓汁味道酸酸甜甜，除咗解渴之外，更可以开胃，醒胃之选。
我哋比餐牌上嘅「黑松露野菌烧带子意大利粉」图片所吸引，见到意粉上面有好多配料，所以叫咗一个来试吓。果然意粉卖相非常吸引，意粉仲有不同嘅海鲜配料，例如新鲜又大只嘅带子，同埋好大只嘅蚬，另外仲有我最钟意嘅芦笋苗。我最欣赏佢嘅带子同埋意大利粉，带子半生熟，食落去非常有口感，而且咬几啖就无咗，好似有啲溶化嘅感觉。另外意大利粉好入味，食落去满口黑松露味道，非常足料嘅黑松露意粉。
主菜再叫左「西班牙烧乳猪配薯蓉及红椰菜」，乳猪外皮香脆，肉质滑嫩，
两者一齐放入口食，好正，再点埋佢啲烧乳猪汁，简直无得顶，必食！
我哋三个仲未够饱，就叫左一个「烤安格斯西冷扒配芦笋苗焗蒜头及肠薯仔」，见到卖相好吸引，牛扒放喺木板上面，仲有我最钟意嘅芦笋苗系牛扒嘅底下，牛扒唔油腻，而且切落去中间系鲜粉红色的，外面熟中间半生熟，食落去非常有口感，中间有弹牙嘅感觉，而且肉味浓郁，牛魔王之选。
食咗咁多野，真系样样都好好食，极力推荐呢间意大利餐厅！
张贴
