日悅極尚日式放題 (已結業)

日悦极尚放题，之前扎根系尖沙咀𠮶时已经听过佢大名。已经帮衬过，对佢宽敞嘅环境感到十分惊喜，加上食物嘅选择多，熟食又够热，所以印象都几好。今次喺旺角创兴广场楼上开咗，同一个好钟意食放题嘅朋友一试，试吓两间分店有冇分别。价钱明码实价，夜啲去仲有优惠。但系朋友话呢个价钱系放题餐厅入边算系普遍，唔算系太贵。一如以往，除咗纸上面嘅食物之外，店入边仲有自助嘅前菜、汤品、饮品等等！仲有啤酒，梅酒都系任饮！刺身当然系首轮必点嘅食物，令人感动嘅系有油甘鱼，唔系好多放题点样呢个选择。仲有赤贝、剑鱼腩、荣螺等等另外一个令人好满足嘅就系，串烧海虾，海虾每一只都好新鲜，平时出去食一串都要几十蚊，系呢一度可以食返够本了。另外后面嘅烧帆立贝都好多汁，加上沙律酱酸酸地几开胃。另外不得不提嘅系呢一度嘅海胆手卷都系任点饮食。海胆都算新鲜，味道还可以，呢个质素都系抵食。叫埋牛肉的寿喜烧暖下胃，汤几清甜！最后整翻个 affagato! 雀巢嘅雪糕系任食，不过呢一间同尖沙咀唔同嘅地方就系 moovinpick / haagen daz只能二选一，无得任食，埋单之后店员会主动攞俾你。呢度的熟食同尖沙咀一样咁好，热辣辣而且都好食。