龍川雲南米線

营业中

休息中

今次莅到太子试呢间龙川云南米线。米线真系经常食，有谭X，去埋佢个三哥，仲有云桂X，仲有好多唔记得乜名，又食过荃湾嘅阿婆米线。但令我食完仲想encore嘅真系唔多，反而比较多系为填饱个肚。呢间系我食过仲想encore N次嘅米线。真系好正。呢度点米线一碗填一张，先点上面的米线，再点汤底和辣度（清汤可免），再点菜料、小食和饮料（optional)。特别推介香炸䲝鱼米线。原条䲝鱼，大大碗米线，有牙菜、芫茜、韮菜等，非常足料，小弟唔系好食辣，叫咗胡辣汤底，辣度选咗少少辣，加埋条䲝鱼，香脆唔油腻。注：䲝鱼亦都可以在小食餐牌独立叫今次仲帮家人点咗胡椒猪肚米线，胡椒味足，奶味重，如果喜欢奶味汤底的同好，推介你试试。猪颈肉都好味，今次叫咗清汤，猪颈肉够香够嫩。小锅米线都唔错，不过好睇你选咩𩠌，我就叫咗鱼腐和卤水鸡翼，汤底系酸辣微辣，味道唔错。下次再去encore慢慢试埋其他嘢。呢度除咗米线仲有饭食，不过我仲未试。