麒藝館 (已結業)

今日同同事庆祝生日，佢平时成日带我食好嘢，咁我梗系要揾餐好既招呼佢，于是拣左时代广场既麒艺馆，之前睇报纸介绍过，呢度既主厨系以前喜来登酒店既行政总厨陈小麒师傅(所以叫麒艺馆？)，菜式独特又名贵。位于时代广场十楼，睇个地埗都知佢架势啦，二人位都好宽敞坐得好舒服，享受著高级食肆的宁静，先叫了壶「瑰丽堂煌」就是玫瑰加荔枝茶，有美颜去疲劳之功效，芳香扑鼻，非等闲之辈。品茶之余还是急不及待地点菜，二人餐只需$388当然先来一套，另外见佢做紧「午市超值孖宝」($68)，又系好抵加左一set。当然唔少得试下招牌菜式，同事话呢度花胶都好出名，所以叫了个「唐酒花胶蟹肉蛋白」($128)，蟹肉好鲜味，几粒杞子味道也突出，蛋白好滑配以花胶口感丰富，好食！另一样招牌菜是乳猪，这道名为「即烧无花菓天下第一猪」(例牌$188)，果然非常香口，皮脆肉嫩，不过得6件就稍为少了一点。而佢提供既自家制无花果酱也不错，甜甜地不妨一试。「午市超值孖宝」包括一件原只鲍鱼花胶挞，一件松脆的迷你挞上放上花胶粒和原只鲍鱼，鲍鱼好腍。另外仲包括一碟「鲍汁花胶捞饭」，有好多花胶条、木鱼和菜粒，鲍汁好味，正！二人餐拣左香茅妙龄乳鸽(前菜)