添好運點心專門店 (裝修中)

之前一直听朋友介绍添好运点心专门店，但因为有名气,长期都要排队等位，而家开多左分店之后终于有机会试到啦。今次系平日的晚上去，大约8点几唔算多人，一入到去就有位，都几多外国人已经系入面。黎之前已经有想试的野食，所以即刻就已经落左单，每样野食都系二十几三十蚊，可以试多几款。落单后大约10分钟就已经有野食了，都几快，但d野食全部都热的，唔会系放左好耐的感觉。酥皮叉烧包真心好食，入面的叉烧甜甜地再夹埋出面脆的外层，而且份量岩岩好，唔会太大个之后试唔到其他野，两个人食每人食1.5个都冇问题。黄沙猪润肠一路都听讲猪润肠好出名，所以黎到一定叫，味道唔错，但好可惜猪润的量唔多，好多时都系食到个肠粉皮。鲜虾烧卖皇蒸出黎之后外观唔错，食落去都食到只虾，但唔算系太特别，同平时的烧卖差唔多。鲜虾饺每只虾饺都皮薄而且虾的份量都多，不过味道就冇咩日特别。沙律海皇卷本身饮茶食点心我都好少叫春卷类的点心，但今次比到惊喜我！卷外面炸到香脆，但唔会油腻，同入面的沙律酱又几夹！总结黎讲算系平价好食之选，每人都只系大约六十蚊埋单，就已经试到好多款点心而且饱肚，而且最开心系奥运分店冇咁多观光客，排队都冇其他分店咁夸张！