Olive Cafe (已結業)

红酒烩牛尾饭 $72（lunch再减$15）🌕🌕🌕🌕🌑牛尾份量多，加左啲新鲜无煮过既蕃茄仔，配搭唔错，味道浓郁。细旧既牛尾有啲老，食落好硬。大旧既牛尾反而几腍，唔zip牙隙，超正！酱汁较稀，如果可以浓稠啲，送饭食会仲正。午市食价钱几平，仲包餐汤同饮品，抵食！-香煎纽西兰肉眼（8oz)配时令杂菜及薯条 $98🌕🌕🌕🌕🌑呢个无得减$15，但都会有餐汤同饮品。我个人讨厌牛血淋淋，所以嗌左7成熟，个人觉得虽然无血，但太老！因为佢牛排偏薄身，好快就熟，牛熟左就好韧...但后面块厚身少少，食到6成熟左右，牛味好出，已经唔韧，好软熟！所以建议大家嗌5-6成熟，系品尝呢块排既最佳熟度！薯条粗身，偏腍身，系煎唔系炸，无咁热气。啲配菜一般啦，都系煎出黎，正常。-粟米忌廉汤 （赠送）🌕🌕🌕🌕🌕神级正！好似日本饮品售卖机卖果只粟米汤咁，粟米味劲出，仲有小小碎做咬口，忌廉系呢度做辅助角色，食落creamy又唔会抢左粟米风头。重点系热上，系冬天食到热辣辣既浓厚粟米汤，的确会叫人会心微笑。-*需加一-仲有杯饮品，都系一般送果啲柠水柠茶咖啡咁，我太饱无嗌到。-餐牌