Rakuraku 樂拉麵 (康怡廣場北座) (已結業)

以拉面黎讲，呢间lunch menu CP值好高，好抵食，仲要系好食，点咗辣豚肉拉面加鸡软骨，同埋一个海鲜石锅饭。豚肉拉面唔算好辣，豚肉唔肥，面的硬度适中，即使唔加七味粉面好够味，值得一赞嘅系佢仲配有一只糖心蛋，真系做到糖心嘅效果，同埋有脆脆莲藕片，加埋一起食好好食。个海鲜石锅饭系热住上，有带子同鱼，鲍鱼片同蟹柳，仲有啲蔬菜，配有芝士喺面，搅拌后食有啲汁又有芝士都好惹味。 鸡软骨唔会好多炸粉，好香口。另外加咗$6叫个苹果汁，出面买呢个苹果汁都要今日十几蚊，所以都好抵！ 同埋日本苹果汁，系好饮既！ 呢度唔算多人， 但野食质素几好，而服务态度都唔错，店员好友善同乐意协助。