影片
更多
2023-08-19
73 浏览
我好鍾意打邊爐，日式同港式最近都食過，所以今次就去食下台式火鍋🍲我見到老鍋台式火鍋網上評價都好高，而且仲有電子天燈可以放，好特別！入到去餐廳，見到天花板掛滿迷你嘅天燈裝飾，每盞燈都寫滿祝福語，好窩心呀！而且室內裝修好簡潔，座位舒服，令客人感受到一種愉快嘅用餐氛圍。菜單好多樣化，有單人火鍋套餐、雙人套餐，甚至可以四個人一齊食嘅套餐！價錢富彈性，如果唔想食火鍋，仲有多款米線套餐可以揀，價錢實惠。飲品同小食都應有盡有，咁大眾化嘅選擇，真係好方便呀！醬料區嘅調味好齊全！有醬油、指天椒、香蔥、芫茜、白醋、炸蒜同埋秘製沙茶醬！真係可以自己配出自己鍾意嘅味道，啲醬料真係令火鍋更加美味呢！鍋底方面有四款選擇：美人鍋、養生鍋、酸菜白肉鍋同埋麻辣鍋！每款都有獨特嘅滋味，真係好難揀擇㗎！我今日試咗「膠原蛋白美人鍋」，個湯底好足料，有成隻烏雞 ，好滋補！而且仲有大量桃膠，含豐富膠原蛋白，加上金華火腿、淮山、杞子、黨參，龍眼肉等藥材所熬製嘅湯底，味道鮮甜又養顏，唔知會唔會越食越靚呢？套餐包括：雪花肥牛、墨魚丸、香菇貢丸、魚皮餃、台式蛋餃、蔬菜盤同埋米線，非常豐富。雪花肥牛，卷成一卷卷，賣相精緻，油脂比例同厚度適
入到去餐廳，見到天花板掛滿迷你嘅天燈裝飾，每盞燈都寫滿祝福語，好窩心呀！而且室內裝修好簡潔，座位舒服，令客人感受到一種愉快嘅用餐氛圍。
菜單好多樣化，有單人火鍋套餐、雙人套餐，甚至可以四個人一齊食嘅套餐！價錢富彈性，如果唔想食火鍋，仲有多款米線套餐可以揀，價錢實惠。飲品同小食都應有盡有，咁大眾化嘅選擇，真係好方便呀！
醬料區嘅調味好齊全！有醬油、指天椒、香蔥、芫茜、白醋、炸蒜同埋秘製沙茶醬！真係可以自己配出自己鍾意嘅味道，啲醬料真係令火鍋更加美味呢！
鍋底方面有四款選擇：美人鍋、養生鍋、酸菜白肉鍋同埋麻辣鍋！每款都有獨特嘅滋味，真係好難揀擇㗎！我今日試咗「膠原蛋白美人鍋」，個湯底好足料，有成隻烏雞 ，好滋補！而且仲有大量桃膠，含豐富膠原蛋白，加上金華火腿、淮山、杞子、黨參，龍眼肉等藥材所熬製嘅湯底，味道鮮甜又養顏，唔知會唔會越食越靚呢？
套餐包括：雪花肥牛、墨魚丸、香菇貢丸、魚皮餃、台式蛋餃、蔬菜盤同埋米線，非常豐富。
雪花肥牛，卷成一卷卷，賣相精緻，油脂比例同厚度適中，肉質嫩滑有肉味。貢丸彈牙，香菇味濃郁；墨魚丸白雪雪又鮮味；蛋餃係台式火鍋必食嘅配料，蛋餃外皮有蛋香，入面嘅餡料無雪藏味。五彩鮮蔬盤有生菜、油墨菜、金菇同鮮冬菇。
最後用湯底淥米線，米線吸收晒湯底嘅精華，絕對係大滿足。
店員友善又細心，提醒我哋隻烏雞要煮耐D先食，又會主動換碟同加湯。
電子天燈可以掃餐廳提供嘅QR code，跟住用手機選擇天燈嘅款式同祝福字句，簡單輕易就可以欣賞到自己設計嘅天燈出現喺螢光幕上，好得意。
张贴
