嘉寶漢堡 (嘉寶大廈)

营业中

休息中

🥳朋友提议去食下呢间出名汉堡小店，佢话呢间野虽然偏僻，但性价比系完胜，咁就去试一试，可能系星期六同下午2点几既关系，冇乜人等位，拎飞即入。🥳入到去就即刻叫野食，之后先坐低，野饮就自己拎，咁我地叫完就坐低等拎饭个机仔响。🥳拎到之后真系好震惊，呢个价钱，可以叠到个burger 咁高！足料！我就叫左个双层芝士汉堡加烟肉，炸烧卖，罐装有汔柠檬茶。对面就叫左双层芝士汉堡加大菇，薯条。🥳burger 系厚到咬唔晒，咬第三啖先食到个肉，好juicy ，系好食既，但我加既烟肉系连同重味既牛肉之下，系食唔出有烟肉，直情忘记左自己叫左烟肉。的确包系出色既！🥳之后就系佢竟然有炸烧卖，成件事好local，好正，个鱼肉烧卖本身好弹牙，点埋佢提供既蛋黄酱，真系升级左去另一lv。强烈建议大家叫黎食！🥳再食下人地既薯条，系阔粗cut type，方间系真系少见，炸到岩岩好，外脆内软，不错。🥳总括黎讲，此小店，店面小小，但咁多人排队食，一定有原因，性价比系真系高，百几蚊，系食得开心同有质素。会再帮衬，或者会去试下其他分店。